កម្របំផុត! កងទ័ពអាមេរិក-អង់គ្លេសធ្វើសមយុទ្ធរួមគ្នានៅសមុទ្រចិនខាងត្បូង
- 2019-01-17 01:56:38
- ចំនួនមតិ 0 | ចំនួនចែករំលែក 0
កម្របំផុត! កងទ័ពអាមេរិក-អង់គ្លេសធ្វើសមយុទ្ធរួមគ្នានៅសមុទ្រចិនខាងត្បូង
ចន្លោះមិនឃើញ
កងទ័ពអាមេរិក និងអង់គ្លេសបានបញ្ចប់ការធ្វើសមយុទ្ធយោធារួមគ្នានៅសមុទ្រចិនខាងត្បូងកាលពីថ្ងៃពុធនេះដើម្បីបង្ហាញពីឥទ្ធិពលរបស់ខ្លួននៅតំបន់កំពុងមានជម្លោះ។
នៅក្នុងសេចក្ដីថ្លែងការណ៍មួយចេញកាលពីថ្ងៃពុធឲ្យដឹងថា អាមេរិកបានប្រើនាវាបាញ់មីស៊ីល USS McCampbell និង HMS ArgyII ក្នុងការធ្វើសមយុទ្ធនៅសមុទ្រចិនខាងត្បូងអំឡុងថ្ងៃទី១១ ដល់ ១៦ខែមករា។ ប្រភពដដែលបន្ដថា នាវារបស់អាមេរិកទាំងពីរបានធ្វើសមយុទ្ធទំនាក់ទំនង, យុទ្ធសាស្ត្របែងចែក និងផ្លាស់ប្ដូរបទពិសោធន៍គ្នាជាមួយអង់គ្លេសដើម្បីបង្កើនទំនាក់ទំនងរវាងកងទ័ពនៃប្រទេសទាំងពីរ។ ចំណែកខាងអង់គ្លេសវិញ ទើបតែបង្ហាញវត្ថមានរបស់ខ្លួននៅដែលសមុទ្រមានជម្លោះ ធ្វើឲ្យមានភាពតានតឹងខ្លាំងសម្រាប់ប្រទេសចិន។
គួរឲ្យដឹងថា សមយុទ្ធរួមគ្នានេះ ត្រូវបានធ្វើឡើងរយៈពេលតិចជាងមួយសប្ដាហ៍ក្រោយចិនចោទប្រកាន់នាវាអាមេរិកថា បានរំលោភបំពានដែនទឹករបស់ខ្លួននៅតំបន់កោះ Paracel Islands ហើយថែមទាំងបញ្ជូនមីស៊ីលផ្លោង DF-26 ទៅការពារទៀតផង៕
ចុចអាន ៖
គ្រូបង្រៀនជាង ៣ម៉ឺននាក់នៅអាមេរិក ចេញមកទាមទារដំឡើងប្រាក់ខែ (មានវីដេអូ)
អាមេរិកចាប់ផ្ដើមដកទ័ពចេញពីស៊ីរី ក្រោយកម្ទេចក្រុមរដ្ឋអ៊ីស្លាមបានសម្រេច