Son លេងសឹង៩០នាទីក្នុងប្រកួតដែលកូរ៉េខាងត្បូង ឈ្នះចិន ២-០
- 2019-01-17 02:06:37
- ចំនួនមតិ 0 | ចំនួនចែករំលែក 0
Son លេងសឹង៩០នាទីក្នុងប្រកួតដែលកូរ៉េខាងត្បូង ឈ្នះចិន ២-០
ចន្លោះមិនឃើញ
ក្រុមបាល់ទាត់ជម្រើសជាតិកូរ៉េខាងត្បូងបានយកឈ្នះចិន ដោយលទ្ធផល ២ទល់នឹង០ដើម្បីឈរកំពូលតារាពូល C នៅពានជើងឯកទ្វីបអាស៊ី Asian Cup។
ការប្រកួតម្សិលមិញគេឃើញវត្តមានរបស់តារាឆ្នើម Son Heung-min របស់ Tottenham Hotspur ជាលើកដំបូងបន្ទាប់ពីរូបគេខកខានលេង២ប្រកួតកន្លងមក។ Son បានចេញពីប្រទេសអង់គ្លេសកាលពីថ្ងៃចន្ទ ប៉ុន្មានម៉ោងប៉ុណ្ណោះក្រោយ Spurs ចាញ់ Man United ១ទល់នឹង០នៅ Premier League។
ទោះនឿយហត់លើដំណើរផ្លូវវែងឆ្ងាយ និងហ្វឹកហាត់បានតិចតួចជាមួយមិត្តរួមក្រុមតែខ្សែបម្រើប្រយុទ្ធវ័យ២៦ឆ្នាំបានលេងសឹងពេញ៩០នាទីឲ្យកូរ៉េ ដោយត្រូវប្ដូរចេញនាទី៨៩ ជំនួសដោយខ្សែបម្រើ Ja-Cheol Koo របស់ក្រុមអាល្លឺម៉ង់ Augsburg។Ui-Jo Hwang និង Min-Jae Kim គឺជាអ្នកស៊ុតបញ្ចូលទីឲ្យកូរ៉េឈ្នះការប្រកួត៕