ឡៅ ចិត្រា ថា ខំហាត់ខ្លាំងជាងមុនទ្វេដងត្រៀមប៉ះម្ចាស់ផ្ទះថៃ
- 2019-01-17 07:10:40
- ចំនួនមតិ 0 | ចំនួនចែករំលែក 0
ឡៅ ចិត្រា ថា ខំហាត់ខ្លាំងជាងមុនទ្វេដងត្រៀមប៉ះម្ចាស់ផ្ទះថៃ
ចន្លោះមិនឃើញ
អ្នកលេងគុនខ្មែរវ័យក្មេង ឡៅ ចិត្រា បានបង្កើនការហ្វឹកហាត់ខ្លាំងជាងមុនទ្វេដងនៅពេលរូបគេទទួលបានឱកាសបង្ហាញសមត្ថភាពក្នុងសង្វៀនធំ NE: CLASH OF LEGENDS ទល់នឹងជើងខ្លាំងជួរមុខម្ចាស់ផ្ទះថៃ Superlek Kiatmoo9 ថ្ងៃទី១៦ ខែកុម្ភៈ ឆ្នាំ២០១៩ខាងមុខនេះ។
ឱកាសបានប្រកួតនៅខែកុម្ភៈខាងមុខនេះ មិនមែនជាការប្រកួតធម្មតានោះ លើកនេះម្ចាស់ខ្សែក្រវាត់នៅសង្វៀនបាយ័នត្រូវប៉ះជើងឯកពិភពលោកខាងក្បាច់មួយថៃ។ បើសិនកីឡាករកម្ពុជារូបនេះពិតជាមានសមត្ថភាពអាចបំបាក់ជើងខ្លាំងរូបនេះបាន រូបគេនឹងក្លាយជាកីឡាករកំពូលប្រភេទទម្ងន់ Featherweight នៅ ONE Super Series។
ឡៅ ចិត្រា បាននិយាយថា រូបគេសប្បាយរីករាយដែលទទួលបានឱកាសដ៏កម្រនេះ។ ការប្រកួតដ៏ធំនេះគឺសំខាន់ជាងការប្រកួតធំៗកន្លងមក។ ទោះជាលទ្ធផលចាញ់ ឬឈ្នះ រូបគេនឹងខិតខំប្រឹងឲ្យអស់ពីសមត្ថភាពបំផុត។
កីឡាករមកពីខេត្តកំពង់ស្ពឺរូបនេះត្រូវផ្គូផ្គងឲ្យជើងខ្លាំងជួរមុខរបស់ថៃដែលជាម្ចាស់ខ្សែក្រវាត់Lumpinee Stadium Muay Thai World Champion ពីរសម័យកាល។ ការនិយាយតែសំដីចេញមកមិនគ្រប់គ្រាន់នោះទេ ប៉ុន្តែការហ្វឹកហាត់ទើបមូលដ្ឋានគ្រឹះសម្រាប់ការប្រកួត។ ឡៅ ចិត្រានិយាយថា ៖«ឥឡូវខ្ញុំប្រកួតអន្តរជាតិធំអីចឹង ខ្ញុំត្រូវហ្វឹកហាត់ខ្លាំងជាងមុនពីរដងទើបបាន»។
ស្ថាបនិកក្លឹបគុនចម្រុះ Cambodian Top Team លោក ហ៊ុន ច័ន្ទរាជ្យបង្ហាញទស្សនៈជុំវិញជំនួបដ៏សំខាន់នេះថា ៖«ចិត្រាជាកីឡាករក្នុងចំណោមជើងខ្លាំងលើគេម្នាក់។ ការប្រកួតតទល់នឹង Superlek វាធំណាស់! សម្រាប់អ្នកផ្សេងមិនដឹងទេ តែសម្រាប់ជនជាតិខ្មែរ និងថៃគឺសំខាន់ខ្លាំង»។
«ទីមួយគឺត្រូវប៉ះចំ Superlek ជាអ្នកប្រដាល់ខ្លាំងពិតប្រាកដម្នាក់ក្នុងកំពូលអ្នកប្រដាល់ផ្សេងៗ។ នេះជាឱកាសល្អសម្រាប់គុនខ្មែរ ដែលអាចបង្ហាញគេពីជំនាញ ពីស្មារតីអ្នកប្រយុទ្ធ និងបេះដូងយើង»។
នៅសង្វៀនជាមួយគ្នា នៅ ស្រីពៅ វ៉ៃគុនចម្រុះតទល់នឹងស្រីស្អាត Rika Ishige ប្រភេទទម្ងន់ ៤៨គក៕
ប្រវត្តិប្រកួតកីឡាករថៃ Superlek Kiatmoo9
ប្រកួតប្រកួតកីឡាករកម្ពុជា ឡៅ ចិត្រា