Klach Ey ប្រាប់ពីភាពខ្លាំងក្នុងការឈ្នះពានអន្តរជាតិ MATIC
- 2019-01-18 03:24:20
- ចំនួនមតិ 0 | ចំនួនចែករំលែក 0
Klach Ey ប្រាប់ពីភាពខ្លាំងក្នុងការឈ្នះពានអន្តរជាតិ MATIC
ចន្លោះមិនឃើញ
បន្ទាប់ពីឈ្នះជើងឯកកម្រិតជាតិ ក្រុម Klach Ey បានបន្តឈ្នះពានរង្វាន់អន្តរជាតិ MATIC 2019 កាលពីចុងសប្តាហ៍កន្លងទៅនេះពោលគឺរយៈពេលតែ២ថ្ងៃឈ្នះពានសំខាន់ដល់ទៅ២។ កត្តាអ្វីដែលក្រុមមួយនេះទទួលបានលទ្ធផលគួរឲ្យភ្ញាក់ផ្អើលយ៉ាងនេះ?
ចំពោះការឈ្នះជើងឯកពានរង្វាន់អន្តរជាតិ MATIC វិញ ត្រូវបាន គង់ សុវត្ថិឌី ឲ្យដឹងថា តាមពិតក្រុមរបស់ខ្លួនទើបបានឱកាសប្រកួតពានរង្វាន់អន្តរជាតិនេះលើកដំបូង ប៉ុន្តែមានសមាជិក៣នាក់ធ្លាប់ប្រកួតពានរង្វាន់អន្តរជាតិនេះពីរបីដងហើយនៅពេលពួកគេលេងនៅក្រុមផ្សេង។
សុវត្ថិឌីបន្តថា នៅវគ្គផ្តាច់ព្រ័ត្រពេលជួបក្រុមម៉ាឡេស៊ី Suicide ពិតជាលំបាកខ្លាំងសម្រាប់ពួកគេ ប៉ុន្តែក្រោយមកប្រសើរឡើងវិញ។ ដំបូងឡើយពិតជាលំបាកសម្រាប់ពួកគេដោយសារតែអត់ដឹងពីរបៀបប្រកួតរបស់ក្រុមម៉ាឡេស៊ីដែលធ្វើឲ្យក្រុមបរទេសមួយនាំមុខ។ យ៉ាងណា បន្ទាប់ពីសិក្សាស្វែងយល់ពីរបៀបវ៉ៃរបស់គេ ហើយពង្រឹងក្រុមជាថ្មីទើបធ្វើឲ្យ Klach Ey វាយបកតាមទាន់ និងរហូតឈ្នះ២-០ (ពិន្ទុ៥-៣ និង ៥-៣)ដើម្បីឈ្នះជើងឯកតែម្តង។
លក្ខណៈពិសេសដែលក្រុម Klach Ey ធ្វើបានល្អគឺការខិតខំរកវិធីសាស្ត្រថ្មីៗដែលមិនប្រើរបៀបដដែលៗ។ ចំណុចមួយទៀតគឺសិក្សាស្វែងយល់ពីចំណុចខ្លំាង និងខ្សោយរបស់ដៃគូដើម្បីទប់ទល់ និងវាយលុកទើបធ្វើឲ្យក្រុមរបស់គេទទួលបានលទ្ធផលល្អ។
សហព័ន្ធកីឡាអេឡិចត្រូនិកកម្ពុជា និង Sabay ជាអ្នករៀបចំការប្រកួតនេះដែលទទួលបានការអនុញ្ញាតពីគណៈកម្មាធិការជាតិអូឡាំពិកកម្ពុជា (NOCC) ដោយមានការចូលរួមឧបត្ថម្ភពីក្រុមហ៊ុនទូរសព្ទ Huawei ទូរទស្សន៍ MYTV ផ្សារទំនើប AEON Mall និងក្លឹបកីឡាអេឡិចត្រូនិក MCT E-Sport Cambodia៕
សម្រាប់ការឈ្នះជើងឯកទូទាំងប្រទេស ក្រុម Klach Ey ទទួលបានពានរង្វាន់១ និងប្រាក់រង្វាន់ ២ ០០០ដុល្លារអាមេរិក ខណៈពានរង្វាន់ MATIC 2019 ក្រុមកម្ពុជាមួយនេះទទួលបានពានរង្វាន់ មេដាយ និងប្រាក់រង្វាន់ ៦ ០០០ ដុល្លារអាមេរិក៕
វីដេអូ