Solskjaer ថា Mourinho មិនពិបាករកក្លឹបដឹកនាំវិញទេ
- 2019-01-18 12:09:01
- ចំនួនមតិ 0 | ចំនួនចែករំលែក 0
Solskjaer ថា Mourinho មិនពិបាករកក្លឹបដឹកនាំវិញទេ
ចន្លោះមិនឃើញ
អ្នកចាត់ការបណ្ដោះអាសន្នក្លឹប Manchester United លោក Ole Gunnar Solskjaer បាននិយាយក្នុងសន្និសីទមុនប្រកួតប៉ះនឹងក្លឹប Brighton & Hove Albion ថាលោក Jose Mourinho នឹងមិនពិបាករកក្លឹបដឹកនាំទេ ក្រោយក្លឹបបិសាចក្រហមបញ្ចប់ការងារ។
លោក Ole បានលើកឡើងឆ្លើយតបនឹងសំណួរពាក់ព័ន្ធនឹង Mourinhoថា៖ " ម៉េចក៏គាត់មិនមកវិលមកពិភពបាល់ទាត់វិញ? គាត់ជាអ្នកចាត់ការដ៏អស្ចារ្យមួយរូប ជាមួយនឹងលទ្ធផលដ៏ល្អប្រសើរក្នុងពេលកន្លងមក។ ខ្ញុំមិនគិតថា គាត់ពិបាកនឹងរកការងារធ្វើទេ (និយាយសំដៅលើការរកក្លឹបដើម្បីដឹកនាំ) '' ។
កាលពីខែធ្នូ លោក Jose Mourinho ត្រូវបានបញ្ចប់ការងារក្នុងការដឹកនាំក្លឹប Manchester United ហើយកាលពីពេលថ្មីនេះ អតីតអ្នកចាត់ការព័រទុយហ្គាល់រូបនេះ បានលើកឡើងក្នុងទូរទស្សន៍ Bein Sports ថា សមត្ថភាពរបស់លោកសក្ដិសមនឹងក្លឹបបាល់ទាត់កំពូលៗ។ លោកថា មនុស្សដូចលោកក្មេងពេកហើយដែលចូលនិវត្តន៍។
គិតមកត្រឹមពេលនេះ ក្លឹប Manchester United កំពុងតែឈរលេខ ៦ដដែលក្នុងតារាង Premier League និង មាន ៤១ពិន្ទុក្នុងដៃ និង គម្លាតពីក្រុមលេខ ៤ Chelsea ចំនួន ៦ពិន្ទុ៕