នេះហេតុផលដែលបច្ចេកវិទ្យាចុងក្រោយ ចង់ដាក់លើរថយន្តថ្មីៗយឺតយ៉ាវខ្លាំង
- 2019-01-20 05:01:00
- ចំនួនមតិ 0 | ចំនួនចែករំលែក 0
នេះហេតុផលដែលបច្ចេកវិទ្យាចុងក្រោយ ចង់ដាក់លើរថយន្តថ្មីៗយឺតយ៉ាវខ្លាំង
ចន្លោះមិនឃើញ
ត្រឡប់ទៅឆ្នាំ ១៩៤០ ក្រុមហ៊ុនផលិតរថយន្តប្រណិត Packard ជាក្រុមហ៊ុនដំបូងគេ បានបំពាក់ម៉ាស៊ីនត្រជាក់ក្នុងរថយន្ត។ បើទោះ មិនសូវជាដំណើរការល្អខ្លាំង ប៉ុន្តែជាការចាប់ផ្តើមមួយដ៏ល្អ។
ច្រើនឆ្នាំដែរទើបប្រព័ន្ធម៉ាស៊ីនត្រជាក់ ក្លាយជាស្តង់ដារបំពាក់ក្នុងរថយន្តតម្លៃទាប។ បច្ចុប្បន្ន បច្ចេកវិទ្យាហក់ឡើងលឿន ប៉ុន្តែហាក់យឺតយ៉ាវបន្តិច នៃការបំពាក់លើរថយន្ត។ មានហេតុផលជាច្រើន រួមមានតម្លៃ លទ្ធភាពប្រើប្រាស់ និងចំណាប់អារម្មណ៍អ្នកជិះ។
ពេលវេលាអភិវឌ្ឍន៍ ការធ្វើទីផ្សារផលិតផលថ្មី សឹងថាគ្រប់ឧបករណ៍មានការឆ្លងកាត់ដូចគ្នា ប៉ុន្តែក្រុមហ៊ុនផលិតរថយន្តហាក់ប្រឈមនឹងដំណើរការយូរ ដោយមានភាពស្មុគស្មាញលើការរចនា សាកល្បង និងអភិវឌ្ឍន៍រថយន្ត។
ទូរសព្ទថ្មីអាចប្រើពេលច្រើនខែទម្រាំចេញជារូបរាង ខណៈការរចនារថយន្តថ្មីត្រូវការពេលច្រើនឆ្នាំ។ ក្រុមហ៊ុនផលិតរថយន្តត្រូវការរៀបចំយ៉ាងណា ឲ្យបច្ចេកវិទ្យាថ្មីសមស្រប និងមិនហួសសម័យទម្រាំពេលរថយន្តចេញមក។ បើរថយន្តថ្មីបំពាក់បច្ចេកវិទ្យាខ្ពស់ ដែលអ្នកបានស្គាល់ មួយឆ្នាំ ឬពីរឆ្នាំ រថយន្តនោះអាចថាលឿនគ្រប់គ្រាន់ក្នុងការចាប់យកបច្ចេកវិទ្យាចុងក្រោយ។
បទបញ្ញត្តិជាច្រើនក៏ចូលរួមបង្អាក់ដំណើរការអភិវឌ្ឍន៍ផងដែរ។ ឧទាហរណ៍ Audi ផ្តល់ចង្កៀងមុខ Matrix នៅអឺរ៉ុប ប៉ុន្តែប្រព័ន្ធពន្លឺមិនទាន់បានទទួលសិទ្ធអនុញ្ញាតដោយ NHTSA (National Highway Traffic Safety Administration) នៅក្នុងសហរដ្ឋអាមេរិកនៅឡើយទេ។ បច្ចេកវិទ្យានេះ ត្រូវការពេលយូរទម្រាំចេញលើទីផ្សារ។
ការបំពាក់បច្ចេកវិទ្យាថ្មីៗ ត្រូវការពេលវេលាសិក្សាស្រាវជ្រាវ សាកល្បង និងរៀបចំប្រព័ន្ធផលិតស្របតាមគំរូរថយន្ត ដែលជាតម្រូវការទីផ្សារនាពេលបច្ចុប្បន្ន រួមទាំងអនាគត។ បច្ចេកវិទ្យាថ្មីៗមួយចំនួន ត្រូវការទិញសិទ្ធយកមកបំពាក់លើរថយន្ត ហើយចំពោះ Software ក៏សំខាន់ដែរ មានជម្រើសពី Android ឬ iOS។ ទាំង Hardware និង Software ត្រូវការពេលវេលាវាយតម្លៃជ្រើសរើស ទាំងអត្ថប្រយោជន៍ តម្លៃបូកបន្ថែម រួមទាំងពេលវេលាសមស្របមានតម្រូវការចេញលើទីផ្សារ៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ
ប្រភព៖ https://driving.ca/auto-news/news/how-it-works-why-does-it-take-so-long-to-get-the-latest-tech-in-new-cars