ការផ្ទេររបស់ Higuain អាចបង្ហាញថា Abramovich កំពុងផ្លាស់ប្តូរគោលការណ៍ Chelsea
- 2019-01-19 07:25:00
- ចំនួនមតិ 0 | ចំនួនចែករំលែក 0
ការផ្ទេររបស់ Higuain អាចបង្ហាញថា Abramovich កំពុងផ្លាស់ប្តូរគោលការណ៍ Chelsea
ចន្លោះមិនឃើញ
ការផ្ទេររបស់កីឡាករ Gonzalo Higuain ពីក្រុម Juventus ទៅ Chelsea មិនមែនជាដំណឹងគួរឱ្យភ្ញាក់ផ្អើលនោះទេ ព្រោះខ្សែប្រយុទ្ធអាហ្សង់ទីនជាកំពូលកីឡាករស្រេចទៅហើយ ដែលនឹងអាចជួយ Chelsea ដោះស្រាយបញ្ហាវិបត្តិខ្សែប្រយុទ្ធបាននៅរដូវកាលនេះ។
ប៉ុន្តែបើការផ្ទេរក្នុងលក្ខខ័ណ្ឌខ្ចីជើងនេះពិតជាសម្រេចមែន នោះបង្ហាញថាលោក Roman Abramovich កំពុងផ្លាស់ប្ដូរគោលនយោបាយរបស់លោកនៅ Chelsea ក្នុងការគាំទ្រគ្រូបង្វឹក Mauricio Sarri ឲ្យដឹកនាំក្រុមតោខៀវទៅតាមទិសដៅថ្មីមួយ។
មិនតែប៉ុណ្ណោះបើវត្តមានHiguain វ័យ៣២ឆ្នាំ អតីតកីឡាករ Real Madrid និង Napoli ពិតជាបង្ហាញខ្លួននៅ Stamford Bridge មែននោះ វានឹងប្រឆាំងគោលនយោបាយរបស់តោខៀវ ដែលតែងតែទិញកំពូលកីឡាករក្មេងៗ។
សារព័ត៌មាន The Mirror បានឲ្យដឹងថាមហាសេដ្ឋីម្ចាស់ក្លឹប Chelsea បានគាំទ្រគ្រូបង្វឹកសញ្ជាតិអ៊ីតាលីក្នុងការនាំយកកីឡាករមានសមត្ថភាពតាមដែលគ្រូបង្វឹកពេញចិត្ត។
អស់រយៈពេលជាច្រើនឆ្នាំ Abramovich បានជួល និង បណ្ដេញអ្នកចាត់ការជាច្រើនរូបបន្តបន្ទាប់។ ប៉ុន្តែជាមួយលោក Sarri ម្ចាស់ក្លឹបរូបនេះហាក់បន្ទន់ឥរិយាបថ។
Abramovich ត្រូវបានគេមើលឃើញថា បានល្មើសតំណមលោកកន្លងមក ទី១ ឲ្យសិទ្ធិធំទៅគ្រូបង្វឹករើសកីឡាករ និង ទី២ ទោះជាកីឡាករវ័យជ្រេបន្តិចក៏លោកលែងសូវប្រកាន់ ព្រោះម្ចាស់ក្លឹបរូបនេះចង់សម្រេចសុបិនរយៈពេលយូរអង្វែងរបស់ Chelea៕