គួរឲ្យរន្ធត់! ផ្ទុះបំពង់បង្ហូរសាំងនៅម៉ិកស៊ីកូ សម្លាប់មនុស្សយ៉ាងហោច ៧៣នាក់ (មានវីដេអូ)

2019-01-20 01:50:29
ចំនួនមតិ 0 | ចំនួនចែករំលែក 0

ចន្លោះមិនឃើញ

យ៉ាងហោចណាស់មានមនុស្ស ៧៣នាក់ ត្រូវបានសម្លាប់នៅភាគកណ្ដាលប្រទេសម៉ិកស៊ីកូក្រោយបំពង់បង្ហូរសាំងផ្ទុះកាលពីល្ងាចថ្ងៃសុក្រទី១៩ខែមករានេះ។

យោងតាមអភិបាលនៃរដ្ឋ Hidalgo លោក Omar Fayad ឲ្យដឹងក្នុងសន្និសីទកាលពីថ្ងៃសៅរ៍ថា ក្រៅពីអ្នកស្លាប់ជាច្រើននាក់ ក្នុងនោះក៏មានអ្នករងរបួសយ៉ាងហោចជាង ៧០នាក់ផ្សេងទៀតផងដែរ ខណៈពេលដែលអ្នករងរបួសស្រាលខ្លាំងនឹងត្រូវបញ្ជូនទៅកាន់មន្ទីរពេទ្យ Shriners។ ក្រោយកើតហេតុ ក្រុមហ៊ុនប្រេងរដ្ឋ Pemex និយាយថាខ្លួនកំពុងបើកការស៊ើបអង្កេតជុំវិញករណីនៃការផ្ទុះនេះ ខណៈជំហានដំបូងក្រុមហ៊ុន បានដាក់ការសង្ស័យថាដោយសារមានការលួចបង្ហូរប្រេងខុសច្បាប់ក្នុងតំបន់។ ចំណែកឯប្រជាជនដែលរស់នៅតាមតំបន់ជុំវិញបំពង់បង្ហូរដែលតភ្ជាប់ពីទីក្រុង Tuxpan ទៅ Tula ត្រូវបានជម្លៀសចេញទៅកាន់ទីសុវត្ថិភាព។

គួរឲ្យដឹងថា កាលពីឆ្នាំ ២០១០ក៏ធ្លាប់មានករណីដូចគ្នានេះនៅក្នុងរដ្ឋ Peubla ដែលបណ្ដាលឲ្យមនុស្សស្លាប់យ៉ាងហោច ២៨នាក់ ដោយសារមានការលួចបង្ហូរប្រេងខុសច្បាប់ផងដែរ៕