រូបថតប៉ុន្មានសន្លឹកពីជាងធ្វើរថយន្តសង្ហា បង្ហើបចង់ប្រឡូកក្នុងវិស័យសិល្បៈសម្ដែង

2019-01-20 03:55:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីថតរូបជាលក្ខណៈម៉ូដែលលើកដំបូងជាងធ្វើរថយន្ត ចាន់ ដាវុធ លោកទទួលបានការចាប់អារម្មណ៍និងសរសើរពីសម្រស់ស្រស់សង្ហារបស់លោក ហើយក៏មានបំណងប្រឡូកចូលក្នុងវិស័យសិល្បៈជាផ្លូវការផងដែរ។

ប៉ុន្មានសប្ដាហ៍មុន Sabay បានចុះផ្សាយពី ដាវុធ រួចមកហើយដោយលោកទទួលបានការគាំទ្រជាខ្លាំងពីរូបថតប៉ុន្មានសន្លឹករបស់ លោក សៀន សិទ្ធិគន្ធ ហើយពេលនេះក៏បានត្រលប់មកវិញជាមួយរួបថតថ្មីៗទៀតសុទ្ធតែស្រស់សង្ហានិងគួរឲ្យចាប់អារម្មណ៍។ ថ្លែងមកកាន់ Sabay ផ្ទាល់ ដាវុធ និយាយថា ខ្លួនពិតជាមានអារម្មណ៍រំភើបខ្លាំង ព្រោះមិននឹកស្មានថានឹងមានអ្នកចាប់អារម្មណ៍រូបថតខ្លួនដល់ថ្នាក់នេះ។ "ហ្នឹងហើយខ្ញុំពិតជាមានចិត្តរំភើបខ្លាំងមែនទែន ព្រោះមិននឹកស្មានថានឹងមានអ្នកចូលចិត្តច្រើនដល់ថ្នាក់នេះ ព្រោះនេះខ្លួនគ្រាន់តែថតរូបលេងធម្មតា"។ ដាវុធ បញ្ជាក់បន្ថែម។

មិនត្រឹមតែប៉ុណ្ណោះ លោកក៏មានបំណងចង់ក្លាយជាតារាសម្ដែងផងដែរ ដោយទើបតែចូលរួមថតក្នុងស្ប៉តពាណិជ្ជកម្មថ្មីមួយ។ ជុំវិញការសម្ដែងដំបូង ដាវុធ បង្ហើបថាវាពិតជាមានការលំបាកខ្លាំងដោយសារតែជាការថតលើកដំបូង ប៉ុន្តែនឹងនៅតែស្វាគមន៍ការងារសម្ដែងថ្មីៗជានិច្ច។

នេះជាបណ្ដារូបថតថ្មីៗរបស់លោក ចាន់ ដាវុធ៖