Facebook ឲ្យសិស្ស ១០០ នាក់ តេស្តកម្មវិធីវិដេអូថ្មី អាចដាក់ប្រើឆាប់ៗនេះ
- 2019-01-21 02:50:09
- ចំនួនមតិ 0 | ចំនួនចែករំលែក 0
Facebook ឲ្យសិស្ស ១០០ នាក់ តេស្តកម្មវិធីវិដេអូថ្មី អាចដាក់ប្រើឆាប់ៗនេះ
ចន្លោះមិនឃើញ
Facebook កំពុងព្យាយាមទាក់ទាញយុវវ័យកាន់តែច្រើនទៅកាន់បណ្ដាញសង្គមរបស់ខ្លួន ជាមួយផលិតផលវីដេអូបែបថ្មី។បណ្ដាញសង្គមយក្សនេះអភិវឌ្ឍន៍ប្រព័ន្ធ LOL ដោយមានជាវីដេអូបែបកំប្លែងៗផ្អែកលើឥរិយាបថមនុស្ស។ នេះបើតាមរបាយការណ៍មួយពីវេបសាយ TechCrunch។
Facebook ជាម្ចាស់ Instagram ជាកម្មវិធីចែករំលែករូបភាពដ៏ពេញនិយមក្នុងស្រទាប់យុវវ័យ ប៉ុន្តែនៅពិបាករក្សាអ្នកប្រើប្រាស់ក្មេងៗ ដូចនឹង Snapchat។ Facebook បានចម្លងមុខងាររបស់ Snapchat ជាមួយនឹងមុខងារ Stories អាចឲ្យអ្នកប្រើប្រាស់ចែករំលែករូបភាព និងវីដេអូដែលនឹងបាត់វិញក្នុងរយៈពេល ២៤ម៉ោង។ ឆ្នាំមុន ក្រុមហ៊ុនក៏បានដាក់គោលដៅលើយុវវ័យដោយការបញ្ចេញកម្មវិធីវីដេអូ Lasso ប៉ុន្តែមិនសូវមានការទាក់ទាញនោះទេ។
ប្រព័ន្ធ LOL បានបែកចែកជាក្រុមៗ ដូចជា For You, Animals, Fails និង Pranks។ សិស្សវិទ្យាល័យចំនួន ១០០ នាក់កំពុងសាកល្បងផលិតផលនេះ។ នេះបើតាមវេបសាយ TechCrunch។ យ៉ាងណាមិញ Facebook មិនទាន់សម្រេចចិត្តថា LOL នឹងជាកម្មវិធីដាច់ដោយឡែក ឬជាមុខងារបន្ថែមលើកម្មវិធី Facebook នោះទេ៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ