អាយុត្រឹម២២ឆ្នាំ ប៉ុន្តែអ្នកជំនាញថតរូបនេះមានទេពកោសល្យមិនសរសើរមិនបាន

2019-01-21 08:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ត្រឹមវ័យតែ២២ឆ្នាំ ផុន ឆៃយុទ្ធ ជាអ្នកជំនាញថតរូបបែបទម្រង់ហ្វេសិនប្លែកៗស្រស់ស្អាត ប្រកបទៅដោយទឹកដៃមិនធម្មតា និងធ្លាប់ធ្វើការជាមួយសុទ្ធតែតារាម៉ូដែលលំដាប់ខ្ពស់នៅប្រទេសកម្ពុជា។

ឆៃយុទ្ធ

ប្រាប់មកកាន់ Sabay យុទ្ធនិយាយថា ខ្លួនចាប់ផ្ដើមចូលចិត្តថតរូបដំបូង តាំងពីជំនាន់ទូរស័ព្ទ iPhone 3 មកម្ល៉េះ ដោយសារតែជំនាន់នោះមានតែទូរស័ព្ទប្រភេទនេះទេ ដែលអាចថតរូបបានច្បាស់បើប្រៀបធៀបនឹងកាមេរ៉ាទូរស័ព្ទប្រភេទដទៃទៀត។ បន្ទាប់ពីបានចូលរួមក្នុងកម្មវិធីស្ម័គ្រចិត្តមួយ ដែលតម្រូវឲ្យធ្វើការជាមួយ ជនបរទេសដែលមានប្រភេទម៉ាស៊ីនថតម៉ាកទំនើបៗ លោកក៏ចាប់ផ្ដើមសាកប្រើកាមេរ៉ាទាំងនោះ ហើយក៏ពេញចិត្តនឹងគុណភាព។

ក្រោយមកទៀត យុទ្ធ ក៏ចាប់ផ្ដើមចូលចិត្តហើយចង់បានកាមេរ៉ាផ្ទាល់ខ្លួនដើម្បីថតរូប។ "ហ្នឹងហើយបង ពេលចង់បានកាមេរ៉ាដំបូងហើយ ក៏ស្រាប់តែបែកគំនិតថតរូបបែបហ្វេសិនសាកតែម្ដង"។ យ៉ុទ្ធ បញ្ជាក់។ ដំណាក់កាលដំបូងៗរូបទាំងនោះគឺនៅមានកម្រិត ពោលគឺមិនសូវជាស្អាតខ្លាំងប៉ុន្មានទេ ដែលតម្រូវឲ្យលោក ស្វែងរកគំនិតថ្មីៗមិនថាជាតាមអ៊ីនធឺណិត ឬក៏មើលតាមអ្នកជំនាញពីមុនៗជាដើម។

ជំហានបន្ទាប់ ឆៃយុទ្ធ ក៏ចាប់ផ្ដើមចេះជ្រើសរើស Concept ប្លែកៗ ឈុតសម្លៀកបំពាក់ឲ្យត្រូវតាមកាលៈទេសៈនិង Background ក៏ដូចជាចេះជ្រើសរើសតួឲ្យសមនឹងអ្វីដែលចង់បាន។ ចំណុចសំខាន់មួយទៀតគឺ ការចេះចាប់ប្លង់និងការកែច្នៃរូប (Re-Touch) ឲ្យមើលទៅកាន់តែស្រស់ស្អាតមួយកម្រិតទៀត។ គិតមកត្រឹមពេលនេះ លោកបានសហការថតរូបជាមួយក្រុមហ៊ុនល្បីៗយ៉ាងច្រើន ដើម្បីផ្សព្វផ្សាយផលិតផលល្បីៗ ដោយក្នុងនោះប្រមូលផ្ដុំសុទ្ធតែកំពូលតារាម៉ូដែលល្បីៗធ្វើការជាមួយគ្នា។

គោលបំណងមួយរបស់ អ្នកជំនាញថតរូបនេះគឺចង់បង្កើតជាសៀវភៅឬទស្សនាវដ្ដី ដើម្បីបង្ហាញពីទឹកដៃថ្មីៗក្នុងការថតរូបបែបហ្វេសិន៕

នេះជាស្នាដៃខ្លះៗរបស់ ឆៃយុទ្ធ៖