ក្រៅពីច្រៀង Badassvon មានកម្មវិធីកំប្លែងមួយនៅ YouTube កូរពេញហ្នឹង

2019-01-22 03:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង Badassvon ត្រូវបានគេស្គាល់ថាជាតារាចម្រៀងខ្មែររស់នៅសហរដ្ឋអាមេរិកមួយរូប ដែលទទួលបានការគាំទ្រគួរឲ្យកត់សម្គាល់ ហើយក្រៅពីច្រៀងតែមុខលោកក៏បានគណនី YouTube មួយខ្លួនឯងផងដែរដែលមានឈ្មោះថា "KomjesTV” ពោរពេញទៅដោយវីដេអូកំប្លែង។

“Komjestv” មានលក្ខណៈពិសេសមួយ ដោយសារវីដេអូនេះមានវត្តមានពីតារាល្បីៗជាច្រើន ដោយធ្វើការសម្ភាសន៍ពី Badassvon ផ្ទាល់តែម្ដង។ តារាល្បីៗដូចជា ឆោម អានីតា និង សំ ថារត័្ន សុទ្ធតែធ្លាប់មានវត្តមាននៅ "Komjestv”។ "ខ្ញុំបង្កើតកម្មវិធីនេះដោយសារតែចង់ធ្វើឲ្យសហគមន៍ខ្មែរ អាចសហការគ្នាបង្ហាញពិភពលោកថាខ្មែរពិតជាពូកែ មិនថាជាផ្នែកសិល្បៈ ជំនួញ ឬទេពកោសល្យជាដើម។" លោក Badassvon បញ្ជាក់។ "Komjestv” អាចមានរឿងរ៉ាវកំប្លែងភាគច្រើន ប៉ុន្តែក៏អាចមានរឿង កម្សត់ ឬសំខាន់ៗផងដែរ យោងទៅតាមសភាពការណ៍។

គិតមកដល់ពេលនេះ ក្រុមការងារ "Komjestv” បានសម្រេចការងារជាច្រើន ដោយក្នុងនោះមានទាំង វីដេអូផ្សេងៗធ្វើនៅប្រទេសកម្ពុជាផងដែរ ដែលកំពុងតែស្ថិតនៅក្នុងការកាត់តនិងរៀបចំបញ្ចេញក្នុងពេលឆាប់ៗនេះ។

នេះជាវីដេអូខ្លះៗ ពីកម្មវិធី "Komjestv”៖