លង់ស្នេហ៍បាត់ហើយ! Concept ថ្មី iPhone XI ឆ្នាំ ២០១៩ ប្រើ USB-C អមកាមេរ៉ា ៣ គ្រាប់

2019-01-22 14:48:25
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅសល់រយៈពេលជាង ៨ ខែទៀតទម្រាំដល់ថ្ងៃចេញផ្សាយ iPhone ប្រចាំឆ្នាំ ២០១៩ ពីសំណាក់ក្រុមហ៊ុន Apple។ ជាមួយគ្នានេះដែរក្រុមការងារ Hasan Kaymak Innovations ក៏បានបង្ហាញនូវវីដេអូ Concept ទុកជាមុនពីស្មាតហ្វូនមួយម៉ូឌែលដោយជឿជាក់ថានឹងក្លាយជាតួឯក iPhone XI ក្នុងឆ្នាំនេះ។

តាមការស្រមើស្រមៃអ្នករចនាសម្លឹងឃើញ iPhone XI ម៉ូឌែល ២០១៩ នឹងមានរូបរាងជ្រុងកាត់ចេញពីតួខ្លួន iPad Pro សេរ៊ីឆ្នាំ ២០១៨ ជាមួយស្នាមឆកលើអេក្រង់បង្រួមមកតូចជាងមុន។ ជាងនេះទៅទៀតម៉ូឌែលជំនាន់ទី ១១ ក៏នឹងប្រើប្រាស់រន្ធ USB-C ជំនួសដោយខ្សែ Lightning ធម្មតា គួបផ្សំការវិវត្តឡើងកាមេរ៉ា ៣ គ្រាប់រាងចតុកោណកែងដូចចចាមអារ៉ាមលើកឡើងពីសព្វមួយដង។

អ្វីដែលជាចំណុចរសើបគឺមុខងារស្កេនខ្ចៅដៃបង្កប់ក្រោមអេក្រង់ ដែលជាប្រព័ន្ធសុវត្ថិភាពមួយស្រទាប់ផ្សេងទៀតផ្ដល់ភាពងាយស្រួលសម្រាប់អតិថិជន។ យ៉ាងណាមិញត្រឹមលក្ខណៈសម្បត្តិម៉ាស៊ីនប៉ុណ្ណេះ គឺល្មមនឹងទាក់ចិត្តអតិថិជនបានយ៉ាងងាយ ព្រោះទាំងរូបរាងនិងមុខងារពិសេស បើអាចបូកផ្សំតម្លៃសមរម្យទៀតនោះ Apple ធានានឹងទទួលជោគជ័យក្រាស់ក្រែលក្នុងឆ្នាំ ២០១៩។

ទស្សនាវីដេអូខាងក្រោម៖