សង្វេគណាស់ ឪពុកតារា រឿន សារ៉ាត់ ពោលពាក្យថា "ចប់"ពេលកូនស្លាប់ដោយសារលង់ទឹក ទាំងវ័យក្មេង

2019-01-23 05:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មរណភាពរបស់តារាសម្ដែង រឿន សារ៉ាត់ បានធ្វើឲ្យអ្នកសិល្បៈតក់ស្លុតយ៉ាងខ្លាំង ដោយសារតែលោកទើបបានប្រឡូកក្នុងវិស័យនេះ មិនទាន់បានប៉ុន្មានផង ក៏ត្រូវលាអ្នកគាំទ្របាត់ទៅហើយ។

ឪពុករបស់ លោក រឿន សារ៉ាត់ (ពាក់អាវស)

បើតាមឪពុករបស់តារាវ័យ២៣ឆ្នាំនេះ ប្រាប់ថា មុនថ្ងៃកើតហេតុ កូនប្រុសបានសុំឪពុកថាទៅថត នៅខេត្តព្រះសីហនុ និងកំពត ដោយទៅជាមួយមិត្តភ័ក្ដិ និងលោក យូ ឌីស្កូ ផងដែរ។ ប៉ុន្តែដំណើរដើមទងយ៉ាងណា លោកមិនដឹងច្បាស់នោះទេ ។

ក្រោយពេលបាត់បង់កូនប្រុសច្បងរូបនេះ ក្រុមគ្រួសារទាំងមូលកំពុងស្ថិតក្នុងភាពលំបាកកាន់តែខ្លាំង ព្រោះកន្លងមក ជីវភាពទាំងមូល បានពឹងផ្អែកលើចំណូលរបស់លោក រឿន សារ៉ាត់ ទាំងស្រុង ។ឪពុករបស់តារារូបនេះមានវ័យកាន់តែចាស់ មានជំងឺលើសឈាម ម្ដាយមានជំងឺបេះដូង ហើយប្អូនប្រុសពៅអាយុ២២ឆ្នាំវិញ មានសុខភាពមិនមាំទាំនោះឡើយ។

ឪពុករបស់តារារូបនេះ រៀបរាប់ទាំងទឹកភ្នែកថា ផ្ទះរបស់លោកធ្លាប់ត្រូវចោរចូលលួចអស់គ្មានសល់ ពេលរស់នៅខេត្តកំពង់ស្ពឺ។ ដូច្នេះហើយ លោកក៏រើមករស់នៅភ្នំពេញ ជួលផ្ទះគេមួយខែ ៦០ដុល្លារ ដោយរត់ម៉ូតូឌុប ។ ខំតស៊ូរហូតកូនប្រុសបានរៀនដល់សាកលវិទ្យាល័យ និងមានការងារល្អនៅក្នុងសិល្បៈ ធ្វើឲ្យលោកជាឪពុកសប្បាយចិត្តណាស់។ ដោយសារតែលោកមានជំងឺនិងអាយុកាន់តែច្រើនផង លោក សារ៉ាត់ សុខចិត្តរ៉ាប់រងគ្រួសារទាំងមូល តែពេលនេះកូនប្រុសបែរជាទៅមុន ធ្វើឲ្យគ្រួសារទាំងមូលត្រូវលិចលង់ម្ដងទៀត៕

ឪពុករបស់តារាកម្សត់ស្លាប់ដោយសារលង់ទឹក រូបនេះ និយាយដោយពាក្យមួយម៉ាត់ខ្លីថា "ចប់" នៅពេលលែងមានវត្តមានកូនប្រុសច្បងបន្តទៀត ។ សមាជិកក្នុងផ្ទះវិញ សុទ្ធតែមានសុខភាពទន់ខ្សោយ ធ្វើឲ្យលោកកាន់តែពិបាកចិត្ត មិនដឹងថាត្រូវរស់នៅយ៉ាងណានោះទេ៕

អត្ថបទ៖ លឹម សុនា