មិនត្រឹមតែមានទេពកោសល្យខាងចម្រៀងតារាខ្មែរនៅអាមេរិក ឈុំ អានីតា មានគម្រោងជួយកម្ពុជាច្រើនគួរឲ្យសរសើរ
- 2019-01-24 11:00:00
- ចំនួនមតិ 0 | ចំនួនចែករំលែក 0
មិនត្រឹមតែមានទេពកោសល្យខាងចម្រៀងតារាខ្មែរនៅអាមេរិក ឈុំ អានីតា មានគម្រោងជួយកម្ពុជាច្រើនគួរឲ្យសរសើរ
ចន្លោះមិនឃើញ
ថ្មីៗនេះតារាចម្រៀងខ្មែរមានដើមកំណើតនៅអាមេរិក បានមកលេងប្រទេសកម្ពុជាហើយក៏ឆៀងចូល Sabay ដើម្បីអង្គុយពិភាក្សាខ្លះៗពីការចាប់ផ្ដើមអាជីពជាអ្នកចម្រៀងរបស់នាង និងគម្រោងទៅថ្ងៃអនាគត។
អង្គុយនៅក្នុងស្ទូឌីយ៉ោ Sabay ជាមួយសម្លៀកបំពាក់ប្រពៃណីខ្មែរ ឈុំ អានីតា និយាយថាខ្លួនពិតជារីករាយ ដែលបានបង្ហាញពីអ្វីខ្លះៗពាក់ព័ន្ធនឹងអាជីពជាអ្នកចម្រៀង។ មានដើមកំណើតពីទីក្រុង Memphis Tennessee តែធំដឹងក្ដីនៅ Southaven Mississippi អានីតា ថាខ្លួនចាប់ផ្ដើមចេះច្រៀងតាំងពីអាយុ៤ឆ្នាំមកម្ល៉េះ ដោយសារតែម្ដាយខ្លួនធ្លាប់ជាអ្នកច្រៀងតាមកម្មវិធីផ្សេងៗរហូតមក។ "ដោយសារតែនៅអាមេរិកអីចឹងហើយទើបខ្ញុំចង់ចេះភាសាកំណើត ខំប្រឹងនិយាយនិងច្រៀងដើម្បីកុំឲ្យភ្លេចព្រោះខ្ញុំជាកូនខ្មែរមួយរួប។"
ជុំវិញវិស័យចម្រៀងខ្មែរ អានីតា យល់ថាប្រជាជនខ្មែរនៅក្នុងស្រុកចូលចិត្តចម្រៀងបែប អេឡិចត្រូនិក ខណៈដែលខ្មែរនៅអាមេរិកចូលចិត្តចម្រៀងពីសម័យដើម។ លើសពីនេះតារាវ័យក្មេងនេះ ក៏បញ្ជាក់ដែរថាតារាចម្រៀងខ្មែរជើងចាស់ដែលខ្លួនចិត្តខ្លាំងជាងគេ គឺអ្នកនាង សួន ចន្ថា និងលោក ណុប បាយ៉ារិទ្ធិ។
ក្នុងពេលនោះដែរ អានីតា ក៏បានបង្ហើបពីគោលបំណងដ៏សំខាន់មួយរបស់ខ្លួននៅថ្ងៃអនាគតគឺចង់បង្កើតសាលារៀនមួយនៅប្រទេសកម្ពុជា ដើម្បីឲ្យក្មេងៗជំនាន់ក្រោយមានលទ្ធភាពទទួលបានការអប់រំ និងមានអនាគតល្អ។
ចង់ដឹងច្បាស់ទស្សនាវីដេអូសម្ភាសន៍ខាងក្រោម៖