Channel ជើងខ្លាំងមួយទៀត ប្រកាសក្តែងៗចង់ប្រជែង PewDiePie
- 2019-01-25 03:34:46
- ចំនួនមតិ 0 | ចំនួនចែករំលែក 0
Channel ជើងខ្លាំងមួយទៀត ប្រកាសក្តែងៗចង់ប្រជែង PewDiePie
ចន្លោះមិនឃើញ
សព្វថ្ងៃលោក Felix Kjellberg ដែលជាម្ចាស់គណនី PewDiePie នៅលើគេហទំព័រ YouTube ត្រូវបានគេដឹងថាកំពុងទទួលការប្រកួតប្រជែងខ្លាំងបំផុតពីសំណាក់គណនី T-Series របស់ប្រទេសឥណ្ឌា ប៉ុន្តែពេលនេះក៏ស្រាប់តែលេចចេញគូប្រជែងមួយផ្សេងទៀត។
នោះគឺគណនី Dude Perfect ដែលជាអ្នកជំនាញបង្កើតវីដេអូប្រភេទ Trickshot បានចេញផ្សាយវីដេអូមួយកាលពីថ្ងៃទី ២១ មករា ដោយប្រកាសពីការត្រៀមធ្វើដំណើរទៅទីក្រុងទាំង ២០ ក្នុងការផ្សាយផ្ទាល់វីដេអូប្រើប្រាស់ល្បិចជាមួយអ្នកគាំទ្រក្នុងរយៈពេល ៩០ នាទី។
ក្នុងវីដេអូដដែលនោះមានការចូលរួមពីសមាជិកក្នុងក្រុមលោក Cody Jones, Garrett Hilbert, Tyler Toney និងបងប្អូនភ្លោះ Coby និង Cory Cotton រៀបរាប់បង្ហាញពីគោលដៅរៀងៗខ្លួន ជាពិសេសការចង់យកឈ្នះ PewDiePie។
បច្ចុប្បន្ន Dude Perfect ទទួលបាន Subscriber ប្រមាណ ៣៨,៥ លាននាក់ ពោលគឺនៅចាញ់គណនីបុរសសញ្ជាតិស៊ុយអែតដល់ទៅជាង ៤០ លាននាក់ទៀតឯណោះ។ ក្រុមនេះបានលើកទឹកចិត្តនិងបញ្ចុះបញ្ចូលឲ្យអ្នកគាំទ្រធ្វើការសរសេរ hashtag នៅលើបណ្តាញសង្គមក្រោមពាក្យថា "TieThePie" ជាមួយរង្វាន់លើកទឹកចិត្តទៅកាន់អ្នកទស្សនាបើក្រុមខ្លួនអាចតាមទាន់លោក Kjellberg តាមរយៈការបង្ហាញអត្តសញ្ញាណពិតនៃអ្នកដែលតុបតែងខ្លួនជាខ្លាឃ្មុំក្នុងវីដេអូបង្ហោះរយៈពេលច្រើនឆ្នាំមកនេះ។
ទស្សនាវីដេអូខាងក្រោម៖
ប្រភព: https://www.dexerto.com/entertainment/another-you-tube-channel-is-chasing-pew-die-pies-most-subscribers-crown-298760?fbclid=IwAR0jQmk5TdBQa0knz1596zDfxitJwuxKpdSBZbrG8qAowgoGX19d4F3tD8A
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
ពេលនេះចិនធ្វើស៊ីក្រុមហ៊ុនបច្ចេកវិទ្យាយក្សអាមេរិកមួយយ៉ាងស្ងាត់ៗ!
មកដឹងពីលក្ខណៈសម្បត្តិរបស់កាស AirPods ជំនាន់ទី ២ រៀបចេញនាពាក់កណ្ដាលឆ្នាំនេះ