អ្នកគាំទ្រភ្ញាក់ផ្អើល ក្រោយ Celine Dion ប្រែរូបរាងទៅជាស្គមស្គាំងសល់តែឆ្អឹង

2019-01-25 01:57:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃទី ២៣ ខែមករាកន្លងទៅនេះ តារាចម្រៀងជើងចាស់ Celine Dion បានធ្វើដំណើរទៅទីក្រុងប៉ារីសដើម្បីចូលរួមកម្មវិធីបង្ហាញម៉ូដមួយជាមួយនឹងឈុតសម្លៀកបំពាក់យ៉ាងប្រណីត។

ទោះជាយ៉ាងណាក៏ដោយ វត្តមានរបស់តារាចម្រៀងស្រីដ៏ល្បីរូបនេះ បានធ្វើឲ្យអ្នកគាំទ្រចាប់អារម្មណ៍ និងភ្ញាក់ផ្អើលជាខ្លាំង ដោយរូបនាងប្រែរូបរាងទៅជាមានមុខផតស្រួច ស្គមស្គាំងខ្លាំងរហូតមើលឃើញឆ្អឹង ដែលធ្វើឲ្យគ្រប់គ្នាមានការព្រួយបារម្ភពន់ពេកចំពោះសុខភាពរបស់នាង។

ក្រោយរូបភាពទាំងនោះត្រូវបានបង្ហាញ អ្នកគាំទ្រ និងមហាជនអ្នកលេងបណ្ដាញសង្គមរាប់ពាន់នាក់នាំគ្នាចែកចាយបន្ត រួមនឹងពាក្យពេចន៍ព្រួយបារម្ភ ដោយខ្លះសរសេរថា៖ "នាងមើលទៅស្គមសល់តែឆ្អឹង" “ខ្ញុំស្រឡាញ់នាង តែ Celine នាងត្រូវឡើងទម្ងន់បន្ថែមទៅ" “នាងត្រូវតែញ៉ាំឲ្យបានច្រើន! មើលទៅនាងដូចមានអាយុ ៧០ ជាជាង ៥០ ឆ្នាំអ៊ីចឹង"៕

ប្រភព៖ Kenh14 ប្រែសម្រួល៖ អន សុភក្ត្រា