ក្ដៅៗ Kai និង Jennie សម្រេចចែកផ្លូវគ្នាហើយ
- 2019-01-25 06:36:00
- ចំនួនមតិ 0 | ចំនួនចែករំលែក 0
ក្ដៅៗ Kai និង Jennie សម្រេចចែកផ្លូវគ្នាហើយ
ចន្លោះមិនឃើញ
តាមសេចក្ដីរាយការណ៍មួយបានឲ្យដឹងនៅថ្ងៃទី ២៥ ខែមករានេះថា សមាជិកក្រុម EXO តារាចម្រៀង Kai និងសមាជិកក្រុម Black Pink តារាចម្រៀង Jennie បានផ្ដាច់ទំនាក់ទំនងស្នេហាគ្នាហើយ។
តាមសេចក្ដីរាយការណ៍ព័ត៌មាននោះ បានអះអាងថា គូស្នេហ៍ថ្មីថ្មោងមួយគូនេះ បានសម្រេចចិត្តផ្លាស់ប្ដូរពីទំនាក់ទំនងគូស្នេហ៍ ទៅជាទំនាក់ទំនងរៀមច្បង និងសិស្សប្អូនវិញ ក្នុងរយៈពេលត្រឹមតែមួយខែ ក្រោយប្រកាសជាសាធារណៈថាបានទាក់ទងគ្នា។ "ពួកគេទាំងពីរ បានបញ្ជាក់ថា ពួកគេចង់ផ្ដោតសំខាន់ទៅលើការងារជាង ទើបជ្រើសយកការបែកគ្នានេះ។ វាដូចជាការសម្រេចចិត្តមួយធ្វើឡើងដើម្បីសមាជិកក្រុមរបស់ពួកគេ សិល្បករផ្សេងទៀត រួមទាំងអ្នកគាំទ្រផងដែរ។ ពួកគេនឹងនៅតែបន្តខិតខំប្រឹងប្រែងធ្វើការ និងគាំទ្រគ្នាទៅវិញទៅមក"។ នេះបើតាមប្រភពជិតស្និទ្ធមួយបញ្ជាក់។
គួររម្លឹកដែរថា សមាជិកក្រុម EXO តារាចម្រៀង Kai និងសមាជិកក្រុម Black Pink តារាចម្រៀង Jennie បានទម្លាយពីទំនាក់ទំនងរបស់ពួកគេជាសាធារណៈកាលពីថ្ងៃទី ០១ ខែមករា ឆ្នាំ២០១៩កន្លងទៅ៕