កីឡាហាប់គីដូ ប្រកាសទទួលអ្នកជំនាញ៦រូប ដើម្បីជួយជំរុញការអភិវឌ្ឍន៍សហព័ន្ធ

2019-01-28 06:50:26
ចំនួនមតិ 0 | ចំនួនចែករំលែក 0

ចន្លោះមិនឃើញ

សហព័ន្ធកីឡាហាប់គីដូកម្ពុជា ធ្វើពិធីប្រកាសតែងតាំងទីប្រឹក្សាយោបល់ចំនួន៦រូប ដើម្បីរួមចំណែកក្នុងការអភិវឌ្ឍន៍លើវិស័យកីឡាមួយនេះឲ្យរឹតតែរីកចម្រើន និងជួយជំរុញឲ្យបានការទទួលស្គាល់ជាផ្លូវការពីគណៈកម្មាធិការជាតិអូឡាំពិកកម្ពុជា រួមទាំងក្រសួងអប់រំ យុវជន និងកីឡាផងដែរ។

ទិដ្ឋភាពសម្ដែង

ឯកឧត្ដម ម៉ក់ សំអុល ប្រធានសហព័ន្ធខាងលើបានឲ្យដឹងថា នេះជាការរួមចំណែកបន្ថែមទៀតទៅដល់ការបង្កើនធនធានថ្នាក់ដឹកនាំរបស់សហព័ន្ធ ដើម្បីពង្រឹង ពង្រីកកីឡាហាប់គីដូកម្ពុជាឲ្យបានទូលំទូលាយបន្ថែមទៀត ទាំងលើកម្ពុជាក៏ដូចជានៅលើឆាកអន្តរជាតិ។ ឯកឧត្ដមសង្ឃឹមថាការតែងតាំងទីប្រឹក្សានេះដែរ នឹងជួយកិច្ចការមួយចំនួនធំរបស់សហព័ន្ធ។

ទិដ្ឋភាពថតរូបជុំគ្នា

ចំណែក អគ្គលេខាធិការសហព័ន្ធ លោក គង់ ចាន់ធីណា ក៏បានឲ្យដឹងនាពេលម្សិលមិញដែរថា ទីប្រឹក្សាទាំង៦រូបនេះ សុទ្ធតែអ្នកមានសមត្ថភាព និងស្រឡាញ់ចូលចិត្តកីឡា ជាអ្នកយល់ដឹងច្បាស់អំពីសារប្រយោជន៍នៃកីឡា។ សហព័ន្ធត្រូវការអ្នកជួយឧបត្ថម្ភ និងជ្រោមជ្រែងបន្ថែមទៀត ដូច្នេះហើយទើបខាងសមាជិកគណៈកម្មការប្រតិបត្តិទើបសម្រេចជ្រើសរើសអ្នកទាំង៦រូបនេះតែម្ដងទៅ។

ទិដ្ឋភាពថតរូបជុំគ្នា

ពិធីប្រកាសតែងតាំងទីប្រឹក្សា៦រូបរបស់សហព័ន្ធកីឡាហាប់គីដូកម្ពុជាម្សិលមិញនេះធ្វើឡើងនៅឯដំបូលអគារសូហ្វតេនីស ក្នុងពហុកីឡដ្ឋានជាតិ។ ក្រៅតែពីការតែងតាំងនោះក៏មានការសម្ដែងស្នៀតពិសេសៗរបស់កីឡាករ កីឡាការិនីដែលចូលរួមផងដែរ៕

អត្ថបទ៖ នួន ស៊ីណា