កាក់កបខ្លាំង! ញឹម ច័ន្ទថន ដើរតួឯក២រឿងជាប់ៗគ្នាដើមឆ្នាំថ្មី

2019-01-29 09:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

គិតត្រឹមដើមឆ្នាំ ២០១៩ តារាសម្ដែង ញឹម ច័ន្ទថន កំពុងតែមមាញឹកច្រើនក្នុងវិស័យសិល្បៈ ដែលមានគម្រោងថ្មីៗឲ្យធ្វើជាបន្តបន្ទាប់សឹងតែរកពេលដកឃ្លាមិនឃើញ។

កាលពីដើមខែមករាឆ្នាំនេះ កញ្ញ ច័ន្ទថន បានសម្ដែងជាតួអង្គឯកម្ដងរួចទៅហើយ ជាមួយតារាសម្ដែង ម៉េង ប៊ុនឡូ នៅក្នុងរឿង "ចិញ្ចៀន" ដែលទទួលបានការគាំទ្រនិងជោគជ័យយ៉ាងច្រើន ដល់ថ្នាក់ពេលនេះត្រៀមដាក់បញ្ចាំងនៅខេត្តកំពង់ចាមទៀតផង។ ចំណែកឯភាពយន្តថ្មី "ម៉ាដាមអាប" គ្រោងដាក់បញ្ចាំងនៅចុងខែនេះគឺ ជាស្នាដៃរបស់នាងថតតាំងពីឆ្នាំមុនមកម្ល៉េះ ប៉ុន្តែត្រូវឆ្លងកាត់ការកាត់ត និងបច្ចេកទេសផ្សេងៗរហូតទើបមានឱកាសសម្ពោធដាក់បញ្ចាំងជាផ្លូវការល្ងាចមិញ។

ថ្លែងមកកាន់ Sabay កញ្ញាបញ្ជាក់ប្រាប់ថា ខ្លួនពិតជាមមាញឹកខ្លាំងដកឃ្លាសឹងមួយរួចក្នុងវិស័យសិល្បៈតាំងពីឆ្នាំមុន។ "ហ្នឹងហើយអូន តាំងពីឆ្នាំ២០១៨មកម្ល៉េះ បងបដិសេធចោលរឿងភាគដល់ទៅ ៥ ៦ រឿងឯណោះ ព្រោះតែរវល់ពេលហើយថាចង់សម្ដែងរឿងដុំ ប៉ុន្តែឆ្នាំនេះនឹងផ្ដោតលើការថតរឿងភាគវិញហើយ។" ញឹម ច័ន្ទថន ប្រាប់ថាដូច្នេះ។

Poster រឿង "ចិញ្ចៀន"

Poster រឿង "ម៉ាដាម អាប"

ក្រៅពីសម្ដែង តារាជើងចាស់រូបនេះក៏កំពុងចង់បើកអាជីវកម្មផ្ទាល់ខ្លួនមួយផងដែរ ប៉ុន្តែទាស់ត្រង់គឺមិនទាន់មានទុនគ្រប់គ្រាន់ និងចង់ផ្ដោតសំខាន់ទៅលើអាជីពជាអ្នកសម្ដែងនិងទុកការរកស៊ីនៅមួយឡែកសិន៕

អត្ថបទ៖ ធារ៉ូ