ម៉ន សាម៉េត មានទឹកមាត់លេបទៀតហើយ ប៉ះ គួន ប៊ុនហ៊ីម វគ្គពាក់កណ្ដាលផ្ដាច់ព្រ័ត្រ

2019-01-30 08:22:29
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់មកពីព្រែកឯង ម៉ន សាម៉េត មានសង្ឃឹមឈ្នះច្រើននាវគ្គពាក់កណ្ដាលផ្ដាច់ព្រ័ត្រពានរង្វាន់ TV5 ជាមួយកីឡាករ គួម ប៊ុនហ៊ីម ព្រោះធ្លាប់ទទួលជ័យជម្នះ៦ដងរួចហើយនាពេលកន្លងមកនេះ។

ម៉ន សាម៉េត ឈ្នះសប្ដាហ៍មុន

សាម៉េត បានឲ្យដឹងថា នឹងខំប្រឹងប្រែងថែរក្សាសុខភាព និងហ្វឹកហាត់ឲ្យបានដិតដល់ល្អនាជំនួបវគ្គពាក់កណ្ដាលផ្ដាច់ព្រ័ត្រពានរង្វាន់ TV5 នាប៉ុន្មានសប្ដាហ៍ខាងមុខទៀតនេះ។ រំលឹកទៅដល់អតីតកាល អ្នកប្រដាល់ខាងលើនេះ ធ្លាប់យកឈ្នះ ប៊ុនហ៊ីម រហូតដល់ទៅ៦ដងរួចមកហើយ ដូច្នេះការជួបគ្នាជាថ្មីឆាប់ៗនេះក៏សង្ឃឹមខ្ពស់ទៀតដែរ អាចថាដោយសារបានដឹងក្បាច់ស្នៀតច្បាស់អស់ហើយ។

ជើងខ្លាំងត្រកូល ម៉ន រូបនេះបន្ថែមទៀតថា អ្វីដែលខ្លួនធ្លាប់ធ្វើបានល្អជាមួយ ប៊ុនហ៊ីម នោះគឺភាពរហ័សរហួនជាង ដូច្នេះដៃគូវ៉ៃមិនសូវត្រូវ យ៉ាងណាមិញក៏មិនធ្វេសប្រហែសនោះទេ ទោះធ្លាប់ឈ្នះច្រើនក៏ដោយដាច់ខាតត្រូវតែបង្កើនការហ្វឹកហាត់ឲ្យបានល្អដដែល។

គួន ប៊ុនហ៊ីម(ខៀវ)

រំលឹកដែរថា កម្មវិធីប្រកួតដណ្ដើមពានរង្វាន់ TV5 បានឈានដល់វគ្គពាក់កណ្ដាលផ្ដាច់ព្រ័ត្រហើយនៅ២-៣សប្ដាហ៍ខាងមុខទៀតនេះដោយ ម៉ន សាម៉េត ប៉ះ គួន ប៊ុនហ៊ីម រីឯ ធន់ អៀងឡៃ ប៉ះ បឺត សង្ឃឹម អ្នកឈ្នះនឹងជួបគ្នានៅវគ្គផ្ដាច់ព្រ័ត្រ៕

អត្ថបទ៖ នួន ស៊ីណា