Samsung កំពុងគិតគូរចេញអាវឆ្លាតវៃ អាចវិភាគជម្ងឺបាន
- 2019-01-31 02:15:00
- ចំនួនមតិ 0 | ចំនួនចែករំលែក 0
Samsung កំពុងគិតគូរចេញអាវឆ្លាតវៃ អាចវិភាគជម្ងឺបាន
ចន្លោះមិនឃើញ
Samsung គិតគូរអភិវឌ្ឍន៍អាវឆ្លាតវៃថ្មី បំពាក់ Sensor អាចវិភាគជម្ងឺជាច្រើន តាមរយៈស្មាតហ្វូន។ បច្ចេកវិទ្យានេះប្រើ Sensor ពិនិត្យមុខងារសួត ដោយសម្គាល់សំឡេងពីសរីរាង្គ និងផ្តល់រោគវិនិច្ឆ័យ បូលរួមទាំងសេចក្តីណែនាំ។ នេះបើតាមរបាយការណ៍ពី LetsGoDigital។
ក្រុមហ៊ុនបច្ចេកវិទ្យាយក្សកូរ៉េនេះ មានប្រព័ន្ធអាចវិភាគលើជម្ងឺផ្លូវដង្ហើម, រលាកសួត, រលាកទងសួត និងហឺត។ ប្រព័ន្ធនេះប្រើប្រវត្តិសុខភាពរបស់អ្នក រួមទាំងទិន្នន័យរាងកាយ (Body Mass Index) ចូលទៅកាន់គណនី។ នេះបើតាមប៉ាតង់មួយបានចេញជាមួយ WIPO (World Intellectual Property Organization។ ក្នុងការទទួលបានលទ្ធផលត្រឹមត្រូវ ព័ត៌មានអាយុ ភេទ ទម្ងន់ កម្ពស់ រួមទាំងប្រវត្តិពិនិត្យសុខភាព ក៏ត្រូវបញ្ចូលក្នុងគណនីផងដែរ។
Sensor ភ្ជាប់ទៅកាន់ស្មាតហ្វូន បែបនេះអ្នកអាចអានលទ្ធផលវិភាគជម្ងឺពីស្មាតហ្វូនបានងាយស្រួល។
Sensor ទាំងនេះអាចបញ្ចូលប្រើលើសម្លៀកបំពាក់ច្រើនប្រភេទ។ មុខងារនេះល្អ ចំពោះការប្រើប្រាស់ទូទៅ ជាពិសេសកីឡាករបាល់ទាត់ អាចតាមដានមុខងារសួតភ្លាមៗងាយស្រួលជួយសង្គ្រោះ ពេលប្រកួត៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ