ចាញ់ផ្ទួនៗពេក Spurs បាត់អ្នកគាំទ្រជាងពាក់កណ្ដាលប្រកួតយប់មិញ
- 2019-01-31 09:03:33
- ចំនួនមតិ 0 | ចំនួនចែករំលែក 0
ចាញ់ផ្ទួនៗពេក Spurs បាត់អ្នកគាំទ្រជាងពាក់កណ្ដាលប្រកួតយប់មិញ
ចន្លោះមិនឃើញ
Tottenham Hotspur ធ្វើបានយ៉ាងល្អក្នុងការប្រកួត Premier League សប្ដាហ៍ទី២៤ដោយបានវាយបកយកឈ្នះ Watford ពីចាញ់១-០ មកឈ្នះ ២ទល់នឹង១។
លទ្ធផលនេះបានធ្វើឲ្យមាន់ខ្នាយមាសឈរលេខ៣ក៏ពិតមែនប៉ុន្តែតាមពីក្រោយលេខ២ Manchester City តែ២ពិន្ទុប៉ុណ្ណោះ និងតាមក្រុមកំពូលតារាង Liverpool ៧ពិន្ទុ។ យ៉ាងណាបរាជ័យផ្ទួនៗធ្លាក់ចេញពី League Cup វគ្គពាក់កណ្ដាលផ្ដាច់ព្រ័ត្រ និងធ្លាក់ FA Cup ត្រឹមជុំទី៥មិនបានធ្វើឲ្យអ្នកគាំទ្រសប្បាយចិត្តនោះទេ។
ប្រកួតយប់មិញនេះ Spurs បានបាត់អ្នកគាំទ្រជាច្រើនទោះការប្រកួតធ្វើនៅក្នុងទឹកដីក៏ដោយ។ កីឡដ្ឋាន Wembley ដែលអាចផ្ទុកបាន៩ម៉ឺននាក់ មានអ្នកគាំទ្រចូលមើលតែ ២ម៉ឺន៩ពាន់នាក់ប៉ុណ្ណោះ។
គួរបញ្ជាក់ថា Wembley ជាទឹកដីបណ្ដោះអាសន្នរបស់ពួកគេ ជាក់ស្ដែងក្រុមមានមូលដ្ឋាននៅភាគខាងជើងទីក្រុងឡុងមួយនេះនឹងប្ដូរទៅលេងនៅកីឡដ្ឋាន White Hart Lane ថ្មីដែលទើបសាងសង់រួចក្នុងពេលឆាប់ៗ៕