ជប៉ុនខំជួសជុលស្ពានជ្រោយចង្វារទាំងយប់ទាំងថ្ងៃ គ្មានយកមួយរៀល ឥឡូវជិតបានឆ្លងវិញហើយ

2019-02-01 06:38:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយកម្មករជំនាញជនជាតិជប៉ុន និងខ្មែរខិតខំជួសជុលស្ពានជ្រោយចង្វារចាស់ទាំងយប់ទាំងថ្ងៃគ្មានសម្រាក ឥឡូវដើមឆ្នាំ២០១៩នេះ គម្រោងនេះសម្រេចបាន៩៣ ភាគរយ លឿនជាងការគ្រោងទុក១៤ភាគរយ។ នេះបើតាមទំព័រហ្វេសប៊ុករបស់ក្រសួងសាធារណការ និងដឹកជញ្ជូន។

រូបភាព៖ Embassy of Japan in Cambodia ស្ថានទូតជប៉ុននៅកម្ពុជា

ផ្អែកលើកិច្ចព្រមព្រៀងរវាង រដ្ឋាភិបាលប្រទេសទាំងពីរ គម្រោងនេះគ្រោងនឹងបញ្ចប់នៅថ្ងៃទី១៤ ខែមិថុនា ឆ្នាំ២០១៩ ប៉ុន្តែដោយសារការអនុវត្តគម្រោងនេះលឿនជាងការគ្រោងទុក ស្ពាននេះនឹងបើកឲ្យធ្វើចរាចរណ៍បណ្តោះអាសន្ននៅពេលបុណ្យចូលឆ្នាំខ្មែរខាងមុខនេះ។

គម្រោងស្តាឡើងវិញស្ពានមិត្តភាពកម្ពុជា-ជប៉ុន (ស្ពានជ្រោយចង្វារទី១) ជាជំនួយ ឥតសំណងរបស់រដ្ឋាភិបាលជប៉ុន ដែល ត្រូវបានចុះហត្ថលេខា នៅថ្ងៃទី៣១ ខែមីនា ឆ្នាំ២០១៦។ គម្រោងនេះបានចាប់ផ្តើមការជួសជុលសាងសង់នៅថ្ងៃទី១៥ ខែកញ្ញា ឆ្នាំ២០១៧ ដោយមានក្រុមហ៊ុន Obayashi ជាក្រុម ហ៊ុនទទួលបានសិទ្ធិក្នុងការជួសជុលសាងសង់ និង ក្រុមហ៊ុន Central Consultant Inc ជាក្រុមហ៊ុនទីប្រឹក្សាបច្ចេកទេស។

តាមប្រភពពីស្ថាតទូតជប៉ុនបានឲ្យដឹងទៀតថា ជប៉ុននឹងប្រើបច្ចេកវិទ្យាទំនើប ធ្វើការសម្អាត ក្រោយពីការជួសជុលរួចរាល់ ដោយមិនមានការបំពុលទៅដល់បរិស្ថានទៀតផង៕