Energizer កំពុងផលិតទូរសព្ទមានកាមេរ៉ាផុសឡើង ថាមពលថ្ម ១៨ ០០០mAh
- 2019-02-07 07:09:49
- ចំនួនមតិ 0 | ចំនួនចែករំលែក 0
Energizer កំពុងផលិតទូរសព្ទមានកាមេរ៉ាផុសឡើង ថាមពលថ្ម ១៨ ០០០mAh
ចន្លោះមិនឃើញ
Energizer កំពុងរៀបចំបង្ហាញទូរសព្ទ ២៦ ម៉ូដែលថ្មីនៅព្រឹត្តិការណ៍ MWC (Mobile World Congress) ឆ្នាំនេះ មានម៉ូដែលគួរឲ្យចាប់អារម្មណ៍ រួមមានកាមេរ៉ាផុសឡើង (មានអេក្រង់លាតផ្ទៃពេញ), ថាមពលថ្មប្រមាណ ១៨ ០០០mAh និងអេក្រង់បត់បាន។ គួរដឹងផងដែរថា មុខងារទាំងនេះមានលើទូរសព្ទដាច់ដោយឡែក។
ទូរសព្ទនឹងមានបួនស៊េរី មាន Power Max, Ultimate, Energy និង Hardcase។ អំបូរ Power Max មានម៉ូដែលប្រើថាមពលថ្ម ១៨ ០០០mAh។ អំបូរ Ultimate នឹងមានមុខងារកាមេរ៉ាផុសឡើង អេក្រង់លាតពេញ។ នេះបើតាមគេហទំព័រ 9to5Google។
Energizer Ultimate U620S Pop និង U630S Pop ប្រើ Chip MediaTek Helio P70 និង P22។ ម៉ូដែលទាំងពីរ មានកាមេរ៉ាភ្លោះផុសឡើង មានទំហំ 16MP និង 2MP។ U620S Pop មានកាមេរ៉ាក្រោយ បីគ្រាប់ 16MP, 5MP និង 2MP ជាមួយនឹង RAM 6GB Storage 128GB។ ម៉ូដែលនេះនឹងចេញក្នុងខែកក្កដា ខណៈ U630S Pop មាន RAM 4GB Storage 64GB នឹងចេញក្នុងខែមិថុនា។
ទូរសព្ទត្រូវបានផលិតដោយក្រុមហ៊ុន Avenir Telecom របស់បារាំង ដែលបានលក់ទូរសព្ទមានលក្ខណៈសម្បត្តិទាបជាច្រើនឆ្នាំក្រោមអាជ្ញាប័ណ្ណ Energizer។ រង់ចាំមើលទាំងអស់គ្នា ពេល Energizer បង្ហាញរូបរាងពិតប្រាកដទូរសព្ទនេះនៅព្រឹត្តិការណ៍ MWC ថ្ងៃទី២៥ ខែកុម្ភៈ៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ