Pellegrini ថា Klopp ស៊ាំទៅនឹងការរកគ្រាប់បាល់ដោយ Offside ហើយ
- 2019-02-05 13:38:15
- ចំនួនមតិ 0 | ចំនួនចែករំលែក 0
Pellegrini ថា Klopp ស៊ាំទៅនឹងការរកគ្រាប់បាល់ដោយ Offside ហើយ
ចន្លោះមិនឃើញ
អតីតអ្នកចាត់ការក្លឹប Manchester City និងជាអ្នកចាត់ការក្លឹប West Ham ក្នុងពេលបច្ចុប្បន្នលោក Manuel Pellegrini បានលើកឡើងថា អ្នកចាត់ការក្លឹប Liverpool លោក Jurgen Klopp បានស៊ាំទៅនឹងការរកគ្រាប់បាល់ដោយជំហរក្រៅល្បែង (Offside)។
លោកបាននិយាយថា៖ " Klopp ស៊ាំទៅនឹងគ្រាប់បាល់ Offside ហើយ។ គាត់យកឈ្នះខ្ញុំ កាលខ្ញុំនៅក្លឹប Malaga (ក្លឹបអេស្ប៉ាញ) ហើយពេលនោះគាត់នៅ Dortmund ដោយគ្រាប់បាល់ Offside ៧ម៉ែត្រ "។
លោកបានបន្តថា៖ " ពួកគេមានឱកាស offside យ៉ាងច្បាស់ចំនួន ២លើក ហើយស៊ុតចូល ២គ្រាប់។ ក្នុងយប់នេះ ពួកយើងធ្វើបានល្អណាស់ ហើយខ្ញុំគិតថាយើងសមតែឈ្នះ អញ្ចឹងហើយបានខ្ញុំមិនសប្បាយចិត្តត្រង់ចំណុចនេះ ដោយសារតែពួកគេរកគ្រាប់បាល់ដោយ Offside ១ម៉ែត្រកន្លះ "។
ចំណែកឯលោក Klopp វិញបានតបថា អាជ្ញាកណ្ដាលពេលខ្លះមានកំហុសក្នុងការផ្ដល់គ្រាប់បាល់៕