ធ្វើយ៉ាងម៉េចទៅ បើ Laptop មិនសាកថ្មពេលភ្ជាប់អគ្គិសនី

2019-02-07 22:11:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលភ្ជាប់អគ្គិសនី ជាធម្មតានឹងមានពន្លឺក្បែររន្ធភ្ជាប់ ព្រមទាំងសញ្ញារូបរន្ទះជាមួយថ្មបង្ហាញនៅគែមអេក្រង់កុំព្យូទ័រ។ វិធីសាមញ្ញ និងងាយស្រួលគឺយកកុំព្យូទ័រទៅហាងជួសជុល ប៉ុន្តែបើចំណាយពេលបន្តិច ជួនកាលអាចដោះស្រាយបានដោយខ្លួនឯងត្រឹមប៉ុន្មាននាទី។

ប្រាកដថាបានភ្ជាប់នឹងអគ្គិសនី

ប្រាកដថាឆ្នាំងសាកភ្ជាប់នឹងប្រ៊ីភ្លើងមានអគ្គិសនី ដោយសារម្ចាស់កុំព្យូទ័រមួយចំនួនបានដោតឆ្នាំងសាកនឹងចំរន្ធប្រ៊ីខូច ទៅបន្ទុះថាមកពីថ្មខូចទៅវិញ។

ថ្មមានបញ្ហា

បើថ្មភ្ជាប់នឹង Laptop អាចដោះបានងាយស្រួល សាកដោះចេញ ហើយចុចប៊ូតុង Power ឲ្យជាប់ ១៥ វិនាទី ដើម្បីសំអាតសំណល់ចរន្តពីឧបករណ៍ ហើយភ្ជាប់នឹងអគ្គិសនី ចុចបើកប្រព័ន្ធ ដោយមិនមានថ្ម។

បើ Laptop បើកប្រព័ន្ធដំណើរការធម្មតា បានន័យថាឆ្នាំងសាកមិនមានបញ្ហា ហើយបញ្ហានោះច្បាស់ណាស់គឺថ្ម។ អាចសាកដោះដាក់ថ្មចូល Laptop វិញក្រែងដំណើរការ។ Laptop ខ្លះពិបាកដោះថ្មចេញបន្តិច ដូចនេះអាចទិញឧបករណ៍ មើល Youtube ពីរបៀបដោះបើជឿជាក់លើខ្លួនឯង ឬទៅហាងកុំព្យូទ័រដោះពិនិត្យ។

ប្រាកដថាប្រើរន្ធ USB-C បានត្រឹមត្រូវ

USB-C បានក្លាយជារន្ធភ្ជាប់ឧបករណ៍ខុសគ្នាស្តង់ដារមួយ ក្នុងការបញ្ជូនទិន្នន័យ និងសាកថ្ម។ ស្តង់ដាររន្ធភ្ជាប់នេះសម្រាប់ឧបករណ៍មានកម្រាស់ស្តើង ប៉ុន្តែអាចនឹងងាយស្រួលច្រលំ។ ក្រុមហ៊ុនផលិតមួយចំនួនបានប្រើរន្ធ USB-C ត្រឹមបញ្ជូនទិន្នន័យប៉ុណ្ណោះ មិនមានលទ្ធភាពសាកថ្មនោះទេ។ ពេលត្រូវការសាកថ្មគួរពិនិត្យសញ្ញារូបថ្មក្បែរនឹងរន្ធភ្ជាប់ សម្គាល់លទ្ធភាពអាចសាកបាន។

គួរប្រាកដថា ខ្សែឆ្នាំងសាកមិនដាច់ ឬខូចទ្រង់ទ្រាយ បណ្តាលឲ្យចំណែកខ្សែណាមួយដាច់ចរន្តមិនដំណើរការ អាចខ្ចីឆ្នាំងសាកមិត្តភក្ដិសាកមើលបាន។

ពិនិត្យមើលរន្ធភ្ជាប់

គួរប្រាកដថារន្ធភ្ជាប់ពីដុយឆ្នាំងសាក ឬនៅជាប់ Laptop មិនមានធូលីដី ដោយប្រើច្រាសដុសធ្មេញស្ងួតធ្វើការសម្អាតថ្មមៗ។

ថ្មកើនកម្តៅ

ពេលសីតុណ្ហភាព Laptop កើនកម្តៅ Sensor ថ្មប្រហែលផ្អាកដំណើរការ ដោយប្រាប់ប្រព័ន្ធថាថ្មបានសាកពេញ ឬពេញដោយខុសឆ្គង បណ្តាលឲ្យការសាកមានបញ្ហា។ អាចសម្គាល់បាន សុខៗប្រព័ន្ធបិទ ដើម្បីការពារថ្មកើនកម្តៅ និងឆេះ។ បើសម្គាល់ថា Laptop ឡើងកម្តៅ គួរបិទប្រព័ន្ធ ទុក្ខមួយស្របក់ឲ្យចុះត្រជាក់ មុនពេលសាកថ្មបើកប្រើប្រាស់៕