សប្បាយកប់! តារាខ្មែរជិត ២០ ដួង ចប់បេសកកម្ម ក្រោយនាំពលកររាំបែកផ្សែងនៅកូរ៉េ
- 2019-02-06 07:23:55
- ចំនួនមតិ 0 | ចំនួនចែករំលែក 0
សប្បាយកប់! តារាខ្មែរជិត ២០ ដួង ចប់បេសកកម្ម ក្រោយនាំពលកររាំបែកផ្សែងនៅកូរ៉េ
ចន្លោះមិនឃើញ
ការប្រគំតន្ត្រីខ្នាតយក្សរបស់ខ្មែរនៅប្រទេសកូរ៉េនៅរដូវធ្លាក់ព្រឹលបានបញ្ចប់ហើយ តារាជិត២០រូបដែលបានទៅចូលរួមកម្មវិធីមួយនេះបាននាំបងប្អូនខ្មែរដែលជាពលកររស់នៅទីនោះ រាំលេងយ៉ាងសប្បាយ ពោលគឺម្នាក់ៗ ឡើងចេញផ្សែងតាមមាត់គ្រប់គ្នា ស្របពេលអាកាសធាតុត្រជាក់ខ្លាំងផងនោះ។
ការប្រគំតន្ត្រីខាងលើបានធ្វើឡើងចំនួន២ថ្ងៃនៅកន្លែងផ្សេងគ្នា គឺនៅទីក្រុងប៊ូសាន ទីក្រុង អាន់សាំន។ សន្ទុះនៃការគាំទ្រនៃ ទីក្រុងទាំង២នេះ គឺមានភាពប្រហាក់ប្រហែលគ្នា អ្វីដែលពិសេសនេះ បងប្អូនខ្មែររស់នៅទីនោះ គឺម្នាក់ៗចង់រាំលេងសប្បាយខ្លាំងណាស់ ស្របពេលដែលពួកគេសម្រាកពីការងារ។
លោក សុខ សៀងឌី ជាតារាចម្រៀងពលករនិង លោក សេង គឺម ឡែន ដែលជា ម្ចាស់ស្ពុនស័រ ការប្រគំតន្ត្រីនៅរដូវរងា បានលើកឡើងថា លោកពិតជាសប្បាយចិត្តខ្លាំងណាស់ដែលបានរៀបចំកម្មវិធីខាងលើដោយជោគជ័យបែបនេះ។ លោកថ្លែងថា ទោះបីជាមិនទទួលបានការគាំទ្រលើសលប់តែចំនួននេះ ប៉ុន្តែអាចទទួលយកបាន ហើយលោកសូមថ្លែងអំណរគុណដល់ អ្នកគាំទ្រទាំងអស់ដែលបានឆ្លៀតពេលមកចូលរួមកម្មវិធី ដែលក្រុមហ៊ុនរៀបចំជាលើកដំបូងនេះ។
ដូចដែលបានលើកឡើងកន្លងមក ក្រុមតារាជិត២០រូបដែលបានទៅចូលរួមនៃការប្រគំតន្ត្រីខាងលើ មានដូចជា លោក ខេម លោក កែវ វាសនា លោក នី រតនា លោក ម៉ៅ ហាជី លោក សៅ លោក ពេជ្រ ថាណា ឧត្ដម លោក ថែល ថៃ កញ្ញា យូរី កញ្ញា សួស វីហ្សា កញ្ញា លីនដា កញ្ញា សុធារ័ត្ន លោក BMO លោក ទ្រី សក្ដា PeyPeydy លោក ម៉ាដូណា កញ្ញា សាឡាត់ ស្រីឡាង កញ្ញា សុភ័ក្រ កុសម៉ា និង លោក ថូមី រួមនិងក្រុមការងារ៤ទៅ៦នាក់ផ្សេងទៀត។
ម្ចាស់ស្ពុនស័រខាងលើបានថ្លែងជា ចុងក្រោយថា ការនាំតារាមកច្រៀងនៅប្រទេសកូរ៉េនេះ មិនមែនធ្វើឡើងតែមួយលើកនេះឡើយ នៅរដូវបន្ទាប់ៗ លោក នឹងនាំមកជូននូវការប្រគំតន្ត្រីបែបនេះបន្តទៀត ទៅតាមសំណូមពរបងប្អូនខ្មែររស់នៅទីនេះ៕