អេស៊ីលីដា ប្រកាសប្រើ ប័ណ្ណឥណពន្ធជាមួយ JCB ជាផ្លូវការ
- 2019-02-08 04:48:49
- ចំនួនមតិ 0 | ចំនួនចែករំលែក 0
អេស៊ីលីដា ប្រកាសប្រើ ប័ណ្ណឥណពន្ធជាមួយ JCB ជាផ្លូវការ
ចន្លោះមិនឃើញ
អេស៊ីលីដា និងក្រុមហ៊ុន JCBI ជាក្រុមហ៊ុនបុត្រសម្ព័ន្ធ JCB បានប្រកាសជាសាធារណៈ ស្តីពីការប្រើប្រាស់ប័ណ្ឌឥណពន្ធ អេស៊ីលីដា JCB( Acleda JCB Debit Card) នៅកម្ពុជា ដោយផ្តល់ជូនអតិថិជនមុខងារ ឌីជីថល ជាច្រើន ដែលមានជម្រើសក្នុងការទូទាត់ប្រាក់ដុល្លារ និងប្រាក់រៀល អាស្រ័យលើប្រភេទប័ណ្ណ។
អតិថិជន ដែលជាម្ចាស់ប័ណ្ណឥណពន្ធ អេស៊ីលីដា JCB មិនត្រឹមតែអាចប្រើប្រាស់ប័ណ្ណនៅតាមបណ្តាញភ្នាក់ងារទូទាត់ JCB ប្រមាណ ៣០លានទីតាំងទូទាំងសកលលោកនោះទេ ថែមទាំងអាចធ្វើប្រតិបត្តិការ ដែល JCB បានផ្តល់សិទ្ធិ និងការបញ្ចុះតម្លៃនៅតាមភោជនីយដ្ឋាន និងបណ្តាហាងទំនិញនានា នៅក្នុងសកលលោកទៀតផង។
លោកបណ្ឌិត អ៊ិន ចាន់នី ប្រធាននាយកប្រតិបត្តិ ធនាគារ អេស៊ីលីដា បានមានប្រសាសន៍ថា៖ "ធនាគារអេស៊ីលីដា ពិតជារីករាយដែលបានសហការជាមួយក្រុមហ៊ុនលំដាប់ពិភពលោកនេះ ហើយខ្ញុំសង្ឃឹមថាខាងផ្នែកសេវាកម្មទូទាត់នេះនឹងជួយសម្រួលឱ្យអតិថិជនកាន់តែមាន ទំនុកចិត្ត មានគុណភាពខ្ពស់ លឿនរហ័ស"។
ចំណុចសំខាន់នៃកិច្ចព្រមព្រៀងនេះ គឺជាសមាជិកប័ណ្ណអេធីអឹម របស់ធានាគារ អេស៊ីលីដា អាចទទួលបានប័ណ្ណសហនិមិត្តសញ្ញារវាង ធនាគារអេស៊ីលីដា និង JCBI តាមការស្នើសុំ។
ប័ណ្ណនេះមិនត្រឹមតែជួយសម្រួលដល់ការធ្វើប្រតិបត្តិការទូទាត់នៅក្នុង និងក្រៅប្រទេសប៉ុណ្ណោះទេលោក គីមីហ៊ីសា អ៊ីម៉ាដា អគ្គនាយក និងជាប្រធាននាយកប្រតិបត្តិការរបស់ JCBI អះអាងថា ថែមទាំងជួយសម្រួលដល់សមាជិកប័ណ្ណ និងភ្នាក់ងារទូទាត់ របស់ធនាគារអេស៊ីលីដា និង JCBI ក្នុងការធ្វើប្រតិបត្តិការទូទាត់យ៉ាងសម្បូរបែប ធ្វើប្រតិបត្តិការទូទាំងនៅលើសកលលោកគ្រប់ទីកន្លែង និងគ្រប់ពេលវេលា៕