ណែនាំឲ្យស្គាល់ស្រ្តីមានបំផុតក្នុងវិស័យបច្ចេកវិទ្យាទាំង ១១

2019-02-08 22:07:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ត្រីមានភាគរយតិចតួចលើការងារដឹកនាំក្នុងក្រុមហ៊ុនសំខាន់ៗ ហើយក៏កាន់តែតិចតួចដើរតួនាទីជានាយកប្រតិបត្តិក្នុងវិស័យបច្ចេកវិទ្យា។

១) អ្នកស្រី Laurene Powell Jobs អាយុ ៥៥ឆ្នាំ មានទ្រព្យសម្បត្តិប្រមាណ ១៨.៥ ប៊ីលានដុល្លារ រស់នៅសហរដ្ឋអាមេរិក ជាប់លេខរៀងទី ៥៧ ក្នុងបញ្ជីអ្នកមានបំផុតលើលោករបស់ Forbes។

ប្រភពទ្រព្យ៖ មានភាគហ៊ុនក្នុងក្រុមហ៊ុន Apple និង Disney ដោយទទួលមរតកពីស្វាមីក្រោយ លោក Steve Jobs។អ្នកស្រីបានបង្កើតក្រុមហ៊ុន Emerson Collective នៅដើមឆ្នាំ ២០០០ ដែលពេលបច្ចុប្បន្នមានភាគហ៊ុនសំខាន់ក្នុងទស្សនាវដ្ដី The Atlantic។

២) អ្នកស្រី Dagmar Dolby អាយុ ៧៧ឆ្នាំ រស់នៅសហរដ្ឋអាមេរិក មានទ្រព្យសម្បត្តិប្រមាណ ៤.១ ប៊ីលានដុល្លារ ស្ថិតនៅលេខរៀងទី ៤៧៩ ក្នុងបញ្ជីអ្នកមានបំផុតលើលោករបស់ Forbes។

ប្រភពទ្រព្យ៖ អ្នកស្រីជាភាគទុនិកធំបំផុតក្នុងក្រុមហ៊ុន Dolby Laboratories ជាក្រុមហ៊ុនផលិតប្រព័ន្ធសំឡេង និងបច្ចេកវិទ្យាកាត់បន្ថយកម្រិតរំខាន។ អ្នកស្រីកាន់ភាគហ៊ុន ៣៨% នៃក្រុមហ៊ុនដែលស្វាមីក្រោយអ្នកស្រីបានបង្កើតនៅឆ្នាំ ១៩៦៥។

៣) អ្នកស្រី Judy Faulkner មានអាយុ ៧៥ រស់នៅសហរដ្ឋអាមេរិក មានទ្រព្យសម្បត្តិប្រមាណ ៣.៦ប៊ីលានដុល្លារ ស្ថិតនៅលេខរៀងទី ៥៩២ ក្នុងបញ្ជីអ្នកមានបំផុតលើលោករបស់ Forbes។

ប្រភពទ្រព្យ៖ អ្នកស្រីបានបង្កើតក្រុមហ៊ុន Epic Systems ជាក្រុមហ៊ុនប្រព័ន្ធកម្មវិធីមួយអាចកត់ត្រាទិន្នន័យវេជ្ជសាស្ត្រ។ ក្រុមហ៊ុនបានបង្កើតនៅឆ្នាំ ១៩៧៩ រក្សាទុកទិន្នន័យវេជ្ជសាស្ត្ររបស់ជនជាតិអាមេរិករាប់រយលាន។

៤) អ្នកស្រី Meg Whitman អាយុ ៦២ឆ្នាំ រស់នៅសហរដ្ឋអាមេរិក មានទ្រព្យសម្បត្តិប្រមាណ ៣.៣ ប៊ីលានដុល្លារ ស្ថិតនៅលេខរៀងទី ៦៦១ ក្នុងបញ្ជីអ្នកមានបំផុតលើលោករបស់ Forbes។

ប្រភពទ្រព្យ៖ អ្នកស្រីជានាយកប្រតិបត្តិក្រុមហ៊ុន eBay តាំងពីឆ្នាំ ២០០៨។ អ្នកស្រីក៏មានមុខងារក្នុងក្រុមប្រឹក្សាភិបាលសម្រាប់អង្គភាព esports ហៅថា Immortals។

៥) អ្នកស្រី Zhou Qunfei អាយុ ៤៩ឆ្នាំ រស់នៅហុងកុង មានទ្រព្យសម្បត្តិប្រមាណ ៣.១ប៊ីលានដុល្លារ ស្ថិតក្នុងលេខរៀងទី ៧២៦ ក្នុងបញ្ជីអ្នកមានបំផុតលើលោករបស់ Forbes។

ប្រភពទ្រព្យ៖ អ្នកស្រីបានបង្កើតក្រុមហ៊ុន Lens Technology ជាក្រុមហ៊ុនបច្ចេកវិទ្យាចិនមួយផលិតកញ្ចក់ការពារTouchscreens សម្រាប់ក្រុមហ៊ុនផលិតស្មាតហ្វូនដូចជា Samsung, LG និង Microsoft។

៦) អ្នកស្រី Ma Dongmin អាយុ ៤៩ឆ្នាំ រស់នៅប្រទេសចិន មានទ្រព្យសម្បត្តិប្រមាណ ២.៦ ប៊ីលានដុល្លារ ស្ថិតនៅលេខរៀងទី ៨៦១ ក្នុងបញ្ជីអ្នកមានបំផុតលើលោករបស់ Forbes។

ប្រភពទ្រព្យ៖ អ្នកស្រីបានរៀបការជាមួយលោក Robin Li ជាសហស្ថាបនិក និងនាយកប្រតិបត្តិការក្រុមហ៊ុន Baidu ជា Search Engine មានភាពពេញនិយមមួយនៅប្រទេសចិន។

៧) អ្នកស្រី Lam Wai Yin រស់នៅហុងកុង មានទ្រព្យសម្បត្តិប្រមាណ ២.៣ ប៊ីលានដុល្លារ ស្ថិតនៅលេខរៀងទី ១ ០២១ ក្នុងបញ្ជីអ្នកមានបំផុតលើលោករបស់ Forbes។

ប្រភពទ្រព្យ៖ អ្នកស្រីជាប្រធានរោងចក្រ Biel Crystal ដែលផលិតកញ្ចក់ Touchscreen សម្រាប់ iPhone និងផលិតផលបច្ចេកវិទ្យាដទៃទៀត រួមទាំង Smartwatch និង Tablet ផងដែរ។

៨) អ្នកស្រី Thai Lee អាយុ ៦០ឆ្នាំ រស់នៅសហរដ្ឋអាមេរិក មានទ្រព្យសម្បត្តិប្រមាណ ២.៣ ប៊ីលានដុល្លារ ស្ថិតនៅលេខរៀងទី ១ ០២៨ ក្នុងបញ្ជីអ្នកមានបំផុតលើលោករបស់ Forbes។

ប្រភពទ្រព្យ៖ អ្នកស្រីជានាយកប្រតិបត្តិក្រុមហ៊ុន SHI International ដែលជាក្រុមហ៊ុនផ្គត់ផ្គង់ផលិតផល និងសេវាកម្ម IT (Information Technology) មានមូលដ្ឋាននៅរដ្ឋ New Jersey។

៩) អ្នកស្រី Wang Laichun អាយុ ៥១ឆ្នាំ រស់នៅប្រទេសចិន មានទ្រព្យសម្បត្តិប្រមាណ ២ ប៊ីលានដុល្លារ ស្ថិតនៅលេខរៀងទី ១ ១៦១ ក្នុងបញ្ជីអ្នកមានបំផុតលើលោករបស់ Forbes។

ប្រភពទ្រព្យ៖ អ្នកស្រីជាប្រធានក្រុមហ៊ុន Luxshare Precision ជារោងចក្រផលិតឧបករណ៍អេឡិចត្រូនិក (Electronic Connectors) សម្រាប់ក្រុមហ៊ុនជាច្រើន ដូចជា Apple។ អ្នកស្ត្រីធ្លាប់ធ្វើការឲ្យ Foxconn។

១០) អ្នកស្រី Zeng Fangqin អាយុ ៥៣ឆ្នាំ រស់នៅប្រទេសចិន មានទ្រព្យសម្បត្តិប្រមាណ ១.៦ ប៊ីលានដុល្លារ ស្ថិតនៅលេខរៀងទី ១ ៣៨៩ ក្នុងបញ្ជីអ្នកមានបំផុតលើលោករបស់ Forbes។

ប្រភពទ្រព្យ៖ អ្នកស្រីជាប្រធានក្រុមហ៊ុន Lingyi Technology ដែលផ្គត់ផ្គង់សមាសធាតុអេឡិចត្រូនិកសម្រាប់ស្មាតហ្វូនTablet និង Laptop សម្រាប់ក្រុមហ៊ុនល្បីៗ ដូចជា Huawei និង Apple។

១១) អ្នកស្រី Sheryl Sandberg អាយុ ៤៩ឆ្នាំ រស់នៅសហរដ្ឋអាមេរិក មានទ្រព្យសម្បត្តិប្រមាណ ១.៦ ប៊ីលានដុល្លារ ស្ថិតនៅលេខរៀងទី ១ ៣៩៦ ក្នុងបញ្ជីអ្នកមានបំផុតលើលោករបស់ Forbes។