សារ៉េថ្ងៃគ្នាទៅលេងវិញតោះ! ឆ្នេរនៅកំពង់សោមឥឡូវស្អាតភ្លឹង ព្រោះមានរបស់ពិសេស១
- 2019-02-08 03:37:00
- ចំនួនមតិ 0 | ចំនួនចែករំលែក 0
សារ៉េថ្ងៃគ្នាទៅលេងវិញតោះ! ឆ្នេរនៅកំពង់សោមឥឡូវស្អាតភ្លឹង ព្រោះមានរបស់ពិសេស១
ចន្លោះមិនឃើញ
ឆ្នេរសមុទ្រនៅខេត្តព្រះសីហនុ ធ្លាប់តែមានមនុស្សអ៊ូអរទៅលេងរាល់ថ្ងៃ មិនថាថ្ងៃបុណ្យ អត់បុណ្យនោះទេ។ តែមួយរយៈចុងក្រោយនេះភ្ញៀវទេសធ្លាក់ចុះជាខ្លាំង ពិសេសភ្ញៀវទេសចរខ្មែរ។ មានមតិជាច្រើនបានរិះគន់ទៅលើបញ្ហាបរិស្ថាន ពិសេសនៅឆ្នេរសមុទ្រដែលតែងតែមានភាពកង្វក់ បញ្ហាសំរាមជាដើម។ ប៉ុន្តែពេលនេះ ឆ្នេរសមុទ្រនៅខេត្តព្រះសីហនុប្រែមកជាស្រស់បំព្រងឡើងវិញ ក្រោយពីរដ្ឋបាលខេត្តព្រះសីហនុ បានប្រើប្រាស់ម៉ាស៊ីនស៊េរីទំនើបសម្អាតភាពកង្វក់នៅឆ្នេរ។ ម៉ាស៊ីនសម្អាតឆ្នេរ២គ្រឿង ត្រូវបានប្រើដើម្បីសម្អាតឆ្នេរ ដែលទទួលបានការឧបត្ថម្ភពីរាជរដ្ឋាភិបាល។
ខាងក្រោមនេះជាទិដ្ឋភាពឆ្នេរអូរឈើទាល៖
មន្ទីរទេសចរណ៍ខេត្តព្រះសីហនុ បានឱ្យដឹងថា ក្នុងអំឡុងបុណ្យចូលឆ្នាំចិនរយៈពេល ៣ថ្ងៃ ពីថ្ងៃទី៤ ដល់ ៦ខែកុម្ភៈ ឆ្នាំ២០១៩ ចំនួនភ្ញៀវដែលទៅលេងកម្សាន្តនៅក្នុងខេត្តនេះ ប្រមាណ នាក់ ៥៨ ០០០នាក់ ថយចុះ ៣៤,០៩%( ថយពី ៨៨ ០០០នាក់ក្នុងឆ្នាំ២០១៨) ។ ក្នុងនោះទេសចរជាតិ ប្រមាណ ៤៥ ៥០០នាក់ ថយចុះ ៤២,៤៤% និងអន្តរជាតិប្រមាណ ១២ ៥០០នាក់ កើនឡើង ៣៩,៦៦%៕