ជើងឯក Tiger Street Football Festival 2019 ប៉ោយប៉ែត ប្រាប់ច្បាស់ៗ២ចំណុចខ្លាំងក្រុមនៅភ្នំពេញ

2019-02-08 06:29:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់ Sisophon FC A បានក្លាយជាជើងឯកប្រចាំមណ្ឌលប៉ោយប៉ែតក្នុងព្រឹត្តិការណ៍ Tiger Street Football Festival 2019 ហើយក្រុមនេះក៏ជាបេក្ខភាពមួយដែលតំណាងឲ្យមណ្ឌលរបស់ខ្លួនមកប្រជែងជើងឯកដំណាក់កាលផ្ដាច់ព្រ័ត្រនៅភ្នំពេញថ្ងៃទី១៦-១៧ ខែមីនា ឆ្នាំ២០១៩ នៅកោះពេជ្រ។

លោក ឈឿម ហេង ប្រធានក្រុមបាល់ទាត់ Sisophon FC A បានឲ្យដឹងថា ចំណុចទី១គឺក្រុមបាល់ទាត់នៅភ្នំពេញមានសមភាពកីឡាករល្អៗខ្លាំង ដែលនេះមកពីពួកគេមានបទពិសោធច្រើន និងទី២កីឡាករទាំងអស់អាចលេងបាល់ជាប់ជើង ដែលដៃគូពិបាកចូលប្រជែងយកបាល់។ ទោះជាបែបនេះក្ដីក្រុមបាល់ទាត់គេបានត្រៀមខ្លួនយ៉ាងល្អ ដើម្បីឡើងមកប្រជែងក្រុមខ្លាំងនៅភ្នំពេញ។

ប្រធានក្រុមរូបនេះដដែលបានបន្ថែមថា មុនពេលបានក្លាយជាជើងឯកប្រចាំមណ្ឌលប៉ោយប៉ែតក្រុមរបស់គេបានប្រឹងប្រែងហ្វឹកហាត់យ៉ាងខ្លាំង ពិសេសគឺលេងនៅលើទីលាន ដែលមានភាពស្រដៀង ទៅនឹងទីលានរបស់ Tiger Street ។

មណ្ឌលប៉ោយប៉ែតនេះមានក្រុមចូលរួមចំនួន ៦៨ ដែលមានការប្រកួតប្រជែងចំនួន២ថ្ងៃគឺថ្ងៃទី២ និងទី៣ ខែកុម្ភៈ ឆ្នាំ២០១៩ ដើម្បីជ្រើសរើសយកក្រុមខ្លាំងចំនួន ៦ ឡើងទៅប្រកួតដំណាក់កាលផ្ដាច់ព្រ័ត្រនៅភ្នំពេញ។

ក្រុមឡើងទៅកាន់ដំណាក់កាលផ្ដាច់ព្រ័ត្រទាំង៦មាន៖

១- ក្រុម Sisophon FC A ទទួលបានប្រាក់ ១ ៥០០ ដុល្លារអាមេរិក
២- ក្រុម Bun Koy FC A ទទួលបានប្រាក់ ១ ០០០ ដុល្លារអាមេរិក
៣- ក្រុម Poi Pet Empire ទទួលបានប្រាក់ ៥០០ ដុល្លារអាមេរិក
៤- ក្រុម Family FC B ទទួលបានប្រាក់ ២០០ ដុល្លារអាមេរិក
៥- ក្រុម Bun Koy Legends
៦- ក្រុម Serey Sophon United C

ក្រុមជយលាភីទូទាំងប្រទេស

ក្រុមលេខ១៖ ១ ៥០០០ ដុល្លារអាមេរិក
ក្រុមលេខ២៖ ៥ ០០០ ដុល្លារអាមេរិក
ក្រុមលេខ៣៖ ២ ៥០០ ដុល្លារអាមេរិក
ក្រុមលេខ៤៖ ១ ០០០ ដុល្លារអាមេរិក

គិតមកដល់ពេលនេះ ព្រឹត្តិការណ៍ខាងលើបានរំកិលមកដល់មណ្ឌលខេត្តសៀមរាបហើយ ខាងក្រោមជាពេលវេលាប្រកួតមណ្ឌលដែលនៅសល់៖

មណ្ឌល ខេត្តសៀមរាប ៖ មណ្ឌលនេះក្រុមខេត្តសៀមរាប ឧត្តរមានជ័យ ព្រះវិហារ និងកំពង់ធំមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី៨ ៩ ១០ ខែកុម្ភៈ។
មណ្ឌល ខេត្តកំពង់ចាម ៖ មណ្ឌលនេះក្រុមខេត្តកំពង់ចាម ក្រចេះ ស្ទឹងត្រែង រតនគីរី មណ្ឌលគីរី ព្រៃវែង និងស្វាយរៀងមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី១៦ ១៧ ខែកុម្ភៈ។
មណ្ឌល ខេត្តកណ្ដាល ៖ មណ្ឌលនេះក្រុមខេត្តកណ្ដាល ព្រៃវែង និងស្វាយរៀងមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី៣ ខែមីនា។
មណ្ឌល រាជធានីភ្នំពេញ ៖ ក្រុមនៅរាជធានីភ្នំពេញមានសិទ្ធិចុះឈ្មោះចូលរួមប្រកួត។ ប្រកួតថ្ងៃទី១៣ ១៤ ១៥ ខែមីនា។
ប្រកួតជុំផ្ដាច់ព្រ័ត្រទូទាំងប្រទេស ៖ ថ្ងៃទី១៦ ១៧ ខែមីនា នៅរាជធានីភ្នំពេញ។