ម្ចាស់ជើងឯកឆ្នាំចាស់មណ្ឌលសៀមរាប៖ Next Step ខ្លាំងដោយសារមានបេះដូងជាក្រុម

2019-02-08 11:07:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានក្រុមបាល់ទាត់ Next Step ជើងឯកឆ្នាំចាស់មណ្ឌលខេត្តសៀមរាប ថាក្រុមរបស់ខ្លួនខ្លាំងនោះគឺលេងដោយយល់ចិត្តគ្នា បើទោះជាមិនបានទាត់សមជើងជាមុនក្ដី ព្រោះធ្លាប់ចាប់ដៃគ្នាមិនតិចជាង១០ឆ្នាំរួចហើយ។

ទិដ្ឋភាពព្រឹកមិញ

លោក ឆុន ចាន់នី ប្រធានក្រុមបាល់ទាត់ខាងលើបានឲ្យដឹងថា មិនទាន់ហ៊ាននិយាយថាអាចការពារជើងឯកប្រចាំមណ្ឌលសៀមរាបនេះបានឬយ៉ាងទេ ចាំមើលសិន ព្រោះឥលូវមានក្រុមច្រើន ហើយអ្នកណាៗក៏ចេះលេងបាល់ដែរ ណាមួយកីឡាករជំនាន់ក្រោយក្មេង អាចកម្លាំងជាងទៅទៀត។

ទិដ្ឋភាពព្រឹកមិញ

កីឡាករវ័យ ២៤ឆ្នាំរូបនេះបន្ថែមទៀតថា ក្រុមរបស់ខ្លួនមិនបានហ្វឹកហាត់ ឬលេងសមជាមួយគ្នាមុនការប្រកួតនេះឡើយ ដោយសារតែម្នាក់ៗរវល់រៀងខ្លួន។ បើទោះជាមិនបានលេងជុំគ្នាមែន ប៉ុន្តែពួកគេលេងតាមកន្លែងធ្វើការឬជាមួយមិត្តភ័ត្ករបស់គេខ្លះៗផងដែរ។ យ៉ាងណាមិញបុរសប្រធានក្រុមខាងលើនេះ បញ្ជាក់ថា ក្រុមរបស់ខ្លួនគឺធ្លាប់លេងច្រើនឆ្នាំមកហើយ ពោលយ៉ាងហោចណាស់ក៏ជាង១០ឆ្នាំដែរ ដូច្នេះអាចថារបៀបលេងគឺនៅដដែល។ ចំណុចខ្លាំងរបស់ក្រុមខ្លួនគឺការលេងយល់ចិត្តគ្នាបំផុតនេះហើយទើបអាចឈ្នះជើងឯកលេខ១ នៅមណ្ឌលសៀមរាបឆ្នាំមុននេះ។

ទិដ្ឋភាពព្រឹកមិញ

រំលឹកដែរថា ក្រុមបាល់ទាត់ Next Step ជាម្ចាស់ជើងឯកឆ្នាំមុននៅមណ្ឌលខេត្តសៀមរាប សម្រាប់ថ្ងៃបើកឆាកទី១នេះក្រុមរបស់ពួកគេមិនទាន់ដល់ពេលប្រកួតនោះឡើយ ប៉ុន្តែត្រូវប្រកួតនៅព្រឹកស្អែកថ្ងៃទី៩ ខែកុម្ភៈ ឆ្នាំ២០១៩។

- កម្មវិធីកម្សាន្តនៅយប់ទី១ ថ្ងៃទី៨ ខែកុម្ភៈ គឺមិនមានការប្រគំតន្រ្តីនោះទេ ប៉ុន្តែមានការចាក់ភ្លេងផងដែរ។

- កម្មវិធីកម្សាន្តនៅយប់ទី២ ថ្ងៃទី៩ ខែកុម្ភៈ គឺមានការប្រគំតន្ត្រី ដោយមានតារាជួរមុខនៅកម្ពុជាដូចជា កញ្ញា ឱក សុគន្ធកញ្ញា លោក ឆន សុវណ្ណរាជ កញ្ញា សួស វីសា កញ្ញា រ៉េត ស៊ូហ្សាណា លោក ដួង វិរៈសិដ្ឋ និង DJ Maili។

- កម្មវិធីកម្សាន្តនៅយប់ទី៣ ថ្ងៃទី១០ ខែកុម្ភៈ គឺមានការសម្ដែងពីលោក ព្រាប សុវត្តិ អ្នកនាង ពេជ្រ សោភា លោក នីកូ លោក នី រតនា លោក Step និង DJ Maili ហើយក៏មានការផ្សាយផ្ទាល់តាមកញ្ចក់ទូរទស្សន៍រស្មីហង្សមាសផងដែរ។

ទិដ្ឋភាពប្រគំតន្រ្តីមណ្ឌលមុន

ប្រាក់រង្វាន់ប្រចាំមណ្ឌលសៀមរាប៖

ក្រុមលេខ១-ទទួលបាន ១៥០០ ដុល្លារអាមេរិក
ក្រុមលេខ២-ទទួលបាន ១០០០ ដុល្លារអាមេរិក
ក្រុមលេខ៣-ទទួលបាន ៥០០ ដុល្លារអាមេរិក
ក្រុមលេខ៤-ទទួលបាន ២០០ ដុល្លារអាមេរិក

ក្រុមជយលាភីទូទាំងប្រទេស៖

ក្រុមលេខ១៖ ១ ៥០០០ ដុល្លារអាមេរិក
ក្រុមលេខ២៖ ៥ ០០០ ដុល្លារអាមេរិក
ក្រុមលេខ៣៖ ២ ៥០០ ដុល្លារអាមេរិក
ក្រុមលេខ៤៖ ១ ០០០ ដុល្លារអាមេរិក

មណ្ឌលបន្ទាប់ពីខេត្តសៀមរាបនេះទៅគឺ៖

មណ្ឌល ខេត្តកំពង់ចាម ៖ មណ្ឌលនេះក្រុមខេត្តកំពង់ចាម ក្រចេះ ស្ទឹងត្រែង រតនគីរី មណ្ឌលគីរី ព្រៃវែង និងស្វាយរៀងមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី១៦-១៧ ខែកុម្ភៈ។
មណ្ឌល ខេត្តកណ្ដាល ៖ មណ្ឌលនេះក្រុមខេត្តកណ្ដាល ព្រៃវែង និងស្វាយរៀងមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី៣ ខែមីនា។
មណ្ឌល រាជធានីភ្នំពេញ ៖ ក្រុមនៅរាជធានីភ្នំពេញមានសិទ្ធិចុះឈ្មោះចូលរួមប្រកួត។ ប្រកួតថ្ងៃទី១៣-១៤-១៥ ខែមីនា។ ប្រកួតជុំផ្ដាច់ព្រ័ត្រទូទាំងប្រទេស ៖ ថ្ងៃទី១៦-១៧ ខែមីនា នៅរាជធានីភ្នំពេញ។

អត្ថបទ៖ នួន ស៊ីណា