អ្នកនឹងភ្ញាក់ផ្អើលជាមួយវីដេអូ timelapes អំពីការបង្កកំណើតក្នុងស៊ុតដ៏កម្របានឃើញ

2019-02-09 03:58:31
ចំនួនមតិ 0 | ចំនួនចែករំលែក 0

ចន្លោះមិនឃើញ

តើកោសិកាចាប់ផ្តើមមានជីវិតដំបូងពេលណា? បេះដូងរបស់វាចាប់ផ្តើមកន្ត្រាក់ដំបូងនៅពេលណា? ហើយកោសិកាខួរក្បាលរបស់វាចាប់ផ្តើមនៅពេលណា? ផលិតករជនជាតិហូឡង់ Jan van IJken កាលពីពេលថ្មីៗនេះបានផលិតខ្សែភាពយន្តខ្លីមួយដែលអាចជួយអ្នកក្នុងការស្វែងរកចម្លើយចំពោះសំណួរដ៏ពិបាកនេះ។

លោកបានប្រាប់ Bored Panda ថា "ខ្ញុំបានថតស៊ុតនៅក្នុងចានពិសោធន៍ ក្នុងទឹក។ ចំពោះខ្ញុំ ទិដ្ឋភាពជីវសាស្ត្រគឺជាផ្នែកមួយដែលពិបាកបំផុតក្នុងការផលិតវាឲ្យខ្លី។ [ត្រូវស្វែងយល់ថា] តើដំណើរការរយៈពេលប៉ុន្មានដែលយើងត្រូវការ ដំណាក់កាលផ្សេងៗនៃការវិវត្តនិងមានជាច្រើនទៀត។ ខ្ញុំត្រូវតែដើរតួជាជីវវិទូផង និង ជាអ្នកវិទ្យាសាស្ត្រផង"។

លោក van IJken បានបន្ថែមថា អំប្រ៊ីយ៉ុងរបស់សត្វសាឡាមឺរ (ពពួកបង្កួយ) ត្រូវប្រើពេល៣សប្ដាហ៍ដើម្បីថត និងបង្រួមពេលមកជាវីដេអូ៦នាទី។

ភាពយន្តខ្លីចំណងជើងថា “Becoming ឬ ការកកើត" បានបញ្ចាំងនៅមហោស្រពភាពយន្តអន្តរជាតិជាង ២០ កន្លែង ហើយថែមទាំងទទួលបានពានរង្វាន់សម្រាប់ខ្សែភាពយន្តឯកសារខ្លីដ៏ល្អបំផុតនៅមហោស្រពភាពយន្តធម្មជាតិ Innsbruck ឆ្នាំ ២០១៨។