គ្រូ Bournemouth ថាអាជ្ញាកណ្ដាលជួយ Liverpool ១គ្រាប់យប់មិញ

2019-02-10 02:58:19
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Eddie Howe ជឿជាក់ថាក្រុម Liverpool ត្រូវបានអាជ្ញាកណ្ដាលជួយ១គ្រាប់នៅយប់មិញនេះ ដែលជាគ្រាប់បើកឆាករបស់ Mane ព្រោះគេគ្រប់គ្នាឃើញថាបាល់នោះ ក្រៅល្បែងកន្លះម៉ែត្រឯណោះ។

ហង្សក្រហម Liverpool បានយកឈ្នះលើក្រុម Bournemouth ក្នុងលទ្ធផល៣-០ នាការប្រកួតលីគកំពូលអង់គ្លេសនៅយប់មិញ ហើយក៏បានធ្វើឱ្យពួកគេឡើងទៅលេខ១វិញផងដែរ ដោយលើសពិន្ទុក្រុម Man City ឈរនៅលេខ២ ដល់ទៅ៣ពិន្ទុ។ ជ័យជម្នះនៅយប់មិញនេះដែរ បានធ្វើឱ្យលោក Eddie Howe អ្នកចាត់ការក្រុម Bournemouth ចាត់ទុកថាការប្រកួតនេះគឺអាជ្ញាកណ្ដាលបានជួយក្រុមម្ចាស់ផ្ទះច្រើន។

លោកបានបញ្ជាក់ថា ១គ្រាប់របស់ Mane ដែលជាគ្រាប់បាល់បើកឆាកនោះគឺជាគ្រាប់បាល់ Offside ដែលគ្រប់គ្នាសុទ្ធ តែបានឃើញ។ បាល់១គ្រាប់នេះ ជំហរក្រៅល្បែងជិតកន្លះម៉ែត្រឯណោះ ប៉ុន្តែអាជ្ញាកណ្ដាលខ្សែបន្ទាត់បែរជាមិនលើកទង់ទៅវិញ។ លោក Eddie Howe រំពឹងថានៅឆ្នាំក្រោយ VAR នឹងជួយការចំណុចខ្វះខាតនេះបានច្រើនមិនខាន៕

ប្រភព៖ Dailymail ប្រែសម្រួល៖ មុន្នីរម្យ