Real Madrid ឡើងឈរលេខ២ក្រោយលត់ AT Madrid ៣-១
- 2019-02-10 03:20:02
- ចំនួនមតិ 0 | ចំនួនចែករំលែក 0
Real Madrid ឡើងឈរលេខ២ក្រោយលត់ AT Madrid ៣-១
ចន្លោះមិនឃើញ
ក្រុមអធិរាជស Real Madrid បានឡើងទៅឈរលេខ២តាមពីក្រោយក្រុមលេខ១ FC Barcelona នៃលីគកំពូលអេស្ប៉ាញហើយ បន្ទាប់ពីបានយកឈ្នះក្រុមខ្លាំង Atletico Madrid ដោយលទ្ធផល ៣-១ ក្នុងសប្តាហ៍ទី២៣។
ការប្រកួតយប់មិញ ក្រុមភ្ញៀវ Real Madrid បានបំប៉ោងសំណាញ់ទីរបស់ Atletico Madrid ដោយការទាត់បកក្រោយយ៉ាងល្អរបស់កីឡាករប្រេស៊ីល Casemiro នៅនាទីទី១៦ដើម្បីនាំមុខ ១-០ ប៉ុន្តែការនាំមុខនេះត្រូវបានម្ចាស់ផ្ទះតាមស្មើ ១-១ វិញដោយការស៊ុតរបស់ខ្សែប្រយុទ្ធ Griezmann នៅនាទីទី២៥។
យ៉ាងណាមុនចប់វគ្គទី១ អធិរាជសទទួលបានបាល់ពិន័យស៊ុត១១ម៉ែត្រដែលស៊ុតបានសម្រេចដោយខ្សែការពារ Sergio Ramos នៅនាទីទី៤៣។ នៅវគ្គទី២សមាជិកដែលទើបប្តូរចូល Gareth Bale ស៊ុតចូលគ្រាប់បាល់ទី៣ដើម្បីឈ្នះក្នុងលទ្ធផល ៣-១។ នៅនាទីទី៨ កីឡាករ Thomas របស់ AT Madrid ទទួលបានកាតក្រហមបណ្តេញចេញពីលាន។
គិតត្រឹមសប្តាហ៍ទី២៣នេះ ក្រុមអ្នកមានបុណ្យ FC Barcelona ឈរលើកំពូលតារាងមាន៥០ពិន្ទុសល់មួយប្រកួតក្នុងថៃ ខណៈលេខ២ Real Madrid មាន៤៥ពិន្ទុ និងលេខ៣ Atletico Madrid មាន៤៤ពិន្ទុ៕