មកស្គាល់ បុរសដៃមាសបរិច្ចាគឈាមរាល់សប្ដាហ៍ជាង ៦០ឆ្នាំ ជួយសង្រ្គោះជីវិតជាង ២លាននាក់
- 2019-02-11 03:08:23
- ចំនួនមតិ 0 | ចំនួនចែករំលែក 0
មកស្គាល់ បុរសដៃមាសបរិច្ចាគឈាមរាល់សប្ដាហ៍ជាង ៦០ឆ្នាំ ជួយសង្រ្គោះជីវិតជាង ២លាននាក់
ចន្លោះមិនឃើញ
បុរសជនជាតិអូស្ត្រាលីវ័យ ៨១ឆ្នាំម្នាក់ឈ្មោះ James Harrison ត្រូវបានគេឲ្យឈ្មោះជាបុរសដៃមាសក្រោយលោកបរិច្ចាគឈាមជារៀងរាល់សប្ដាហ៍អស់រយៈពេលជាង ៦០ឆ្នាំ។
យោងតាមកាកបាទក្រហមអូស្ត្រាលីឲ្យដឹងថា លោក James បានជួយសង្គ្រោះជីវិតមនុស្សសរុបជាង ២,៤លាននាក់មកហើយបើគិតមកទល់ពេលនេះ។ ប្រភពដដែលបន្ដថា លោក James ចាប់ផ្ដើមបរិច្ចាគឈាមចាប់តាំងពីអាយុ ១៤ឆ្នាំក្រោយពេលដែលលោកទទួលការបរិច្ចាគឈាមពីអ្នកដទៃអំឡុងពេលវះកាត់ដើមទ្រូង។ រយៈពេលប៉ុន្មានឆ្នាំក្រោយមក ក្រុមគ្រូពេទ្យរកឃើញថាឈាមរបស់លោកមានលក្ខណៈពិសេស និងកម្របំផុតដែលមានផ្ទុកអង់ទីករសម្រាប់បង្កើតថ្នាំចាក់ Anti-D។
ថ្នាំចាក់ Anti-D ត្រូវបានគេប្រើប្រាស់សម្រាប់ចាក់ឲ្យស្រ្តីដែលមានផ្ទៃពោះដើម្បីបង្ការឈាមកុំឲ្យវាយប្រហារ និងធ្វើឲ្យបាត់បង់កោសិការបស់ទារក។ ក្រុមគ្រូពេទ្យជឿថា ឈាមរបស់លោក James មានលក្ខណៈពិសេសនេះអាចបណ្ដាលមកពីការចាក់បញ្ចូលឈាមកាលពីលោកមានអាយុ ១៤ឆ្នាំ។
តាមរយៈការបរិច្ចាគឈាមឥតឈប់ឈររបស់ខ្លួន លោក James Harrison ត្រូវបានគេចាត់ទុកថាជាវីរបុរសជាតិអូស្ត្រាលី ហើយលោកទទួលបានពានរង្វាន់ជាច្រើនសម្រាប់សប្បុរសធម៌របស់លោកផងដែរ៕
ចុចអាន ៖