Fellaini បញ្ជាក់ពីហេតុផលដែលចាកចេញពី Man Utd ហើយប្រាប់ពីក្លឹបយក្សមួយដែលធ្លាប់ចែចូវរូបគេ
- 2019-02-11 12:02:59
- ចំនួនមតិ 0 | ចំនួនចែករំលែក 0
Fellaini បញ្ជាក់ពីហេតុផលដែលចាកចេញពី Man Utd ហើយប្រាប់ពីក្លឹបយក្សមួយដែលធ្លាប់ចែចូវរូបគេ
ចន្លោះមិនឃើញ
កាលពីពេលថ្មីៗនេះ ខ្សែបម្រើបែលហ្សិកកីឡាករ Marouane Fellaini បានបង្ហើបថា រូបគេដល់ពេលត្រូវចេញពីក្លឹប Manchester United ហើយក្រោយពេលដែលបានមកលេងនៅអង់គ្លេសជាង ១០ឆ្នាំ ព្រមទាំងបានប្រាប់ថាក្លឹប Paris Saint-Germain ចង់បានរូបគេកាលពីរដូវក្ដៅឆ្នាំ ២០១៨។
ក្នុងកម្មវិធីទូរទស្សន៍បារាំង Telefoot កីឡាកររូបនេះបានឆ្លើយសំណួរខ្លីៗ (Yes/No Quiz) ថា "តើខ្ញុំអាចចុះកុងត្រាឲ្យ PSG រដូវក្ដៅឆ្នាំមុនទេ? '' គេក៏ឆ្លើយថាបាទ។ " តើខ្ញុំអាចលេងនៅ PSG ទេ? '' គេក៏ថាបាទ។ " តើ Thomas Tuchel (គ្រូ PSG) ជាអ្នកមិនឲ្យខ្ញុំមកឬ? '' គេក៏ថាបាទ។
បន្ទាប់មកគេក៏ប្រាប់ពីហេតុផលដែលគេចាកចេញពីក្លឹប Manchester United ដោយគេនិយាយថា៖ " ខ្ញុំគិតថាវាដល់ពេលហើយ បន្ទាប់ពីខ្ញុំមកលេងនៅប្រទេសអង់គ្លេសរយៈពេល ១០ឆ្នាំ កន្លះ។ ខ្ញុំមានរដូវកាលល្អៗជាច្រើន ហើយពេលនេះ ខ្ញុំត្រូវការការប្រកួតប្រជែងថ្មី និងការផ្សងព្រេងថ្មី " ។
ក្រោយពីការចាកចេញរបស់លោក Jose Mourinho ខ្សែបម្រើកម្ពស់ខ្ពស់រូបនេះហាក់ដូចជាបាត់បង់ឱកាសលេង។ លុះនៅពេលថ្មីៗនេះ រូបគេបានផ្ទេរទៅក្លឹបលីគកំពូលចិន Shandong Luneng ក្នុងតម្លៃ ១៤លានដុល្លារ៕