មេ Real បញ្ជាក់ពីមូលហេតុមិនទិញខ្សែប្រយុទ្ធថ្មី
- 2019-02-12 12:55:00
- ចំនួនមតិ 0 | ចំនួនចែករំលែក 0
មេ Real បញ្ជាក់ពីមូលហេតុមិនទិញខ្សែប្រយុទ្ធថ្មី
ចន្លោះមិនឃើញ
ប្រធានក្លឹប Real Madrid លោក Florentino Perez បានអះអាងថា ក្លឹបរបស់លោកមិនត្រូវការទិញខ្សែប្រយុទ្ធថ្មីនោះទេ ដោយសារតែខ្សែប្រយុទ្ធ Karim Benzema ជាកីឡាករលេខ ៩ (ខ្សែប្រយុទ្ធកណ្ដាល)ល្អជាងគេលើពិភពលោក។
លោកបានប្រាប់ថា ក្លឹបរបស់លោកបានប្ដូរគោលនយោបាយទីផ្សារកីឡាករ ដោយបង្វែរចំណាប់អារម្មណ៍មកលើកីឡាករក្មេងៗវិញ។
បុរសវ័យ ៧១ឆ្នាំរូបនេះបាននិយាយថា៖ " ខ្ញុំតែងតែនិយាយថា ខ្ញុំចង់បានក្រុមកីឡាករដ៏ល្អជាងគេលើលោក តែពានដែលយើងឈ្នះកន្លងមកបានបញ្ជាក់យ៉ាងច្បាស់ពីទេពកោសល្យរបស់កីឡាករយើង។ យើងនឹងមិនចំណាយលើកីឡាករណាទេ។ ខ្ញុំបានអាន និងស្ដាប់ព័ត៌មានមួយចំនួនតាមប្រព័ន្ធផ្សព្វផ្សាយថា Real Madrid គួរតែទិញខ្សែប្រយុទ្ធមួយរូប តែជាក់ស្ដែង Karim Benzema ជាខ្សែប្រយុទ្ធដ៏ល្អជាងគេលើលោក " ។
លោក Perez បានបន្តថា៖ " អ្វីដែលយើងត្រូវធ្វើក្នុងកាលៈទេសៈណាក៏ដោយ គឺត្រូវតែនាំចូលមកនូវកីឡាករក្មេងៗដែលនឹងក្លាយជាកីឡាករល្បីៗនៅពេលអនាគត ដោយមានដូចជា Vinicius Junior និង Rodrygo Goes ដែលជាបេក្ខភាពពាន Kopa '' ។
សូមបញ្ជាក់ផងដែរថា គិតមកទល់ពេលនេះក្នុងរដូវកាល ២០១៨/១៩ ក្លឹប Real Madrid កំពុងតែឈរលើចំណាត់ថ្នាក់លេខ ២ ដែលមាន ៤៥ពិន្ទុ ដោយនៅក្រោមក្លឹប Barcelona ៦ពិន្ទុ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
