Lampard ឆ្លើយតបទៅនឹងពាក្យចចាមអារ៉ាមថាលោកនឹងជំនួស Sarri នៅ Chelsea
- 2019-02-12 13:51:40
- ចំនួនមតិ 0 | ចំនួនចែករំលែក 0
Lampard ឆ្លើយតបទៅនឹងពាក្យចចាមអារ៉ាមថាលោកនឹងជំនួស Sarri នៅ Chelsea
ចន្លោះមិនឃើញ
អ្នកចាត់ការក្លឹប Derby County លោក Frank Lampard បាននិយាយបដិសេធនូវពាក្យចចាមអារ៉ាមមួយចំនួនដែលថា លោកជាបេក្ខភាពមួយរូបក្នុងការឡើងធ្វើជាអ្នកចាត់ការ Chelsea បើសិនជាលោក Maurizio Sarri ត្រូវបានបញ្ចប់ពីការងារ។
អតីតវីរបុរសក្លឹប Chelsea រូបនេះបានប្រាប់ថា៖ " ខ្ញុំមិនសប្បាយចិត្តនឹងព័ត៌មានបែបហ្នឹងទេ។ Chelsea ជាក្លឹបមួយដែលខ្ញុំគោរព ហើយអ្នកចាត់ការបច្ចុប្បន្ននេះក៏ខ្ញុំគោរពដែរ ដូច្នេះហើយអត់មានរឿងអីទៅញញឹមលើការលើកឡើងទាំងនោះ ព្រោះថាការងាររបស់ខ្ញុំនៅទីនេះ (Derby County) '' ។
បុរសជនជាតិអង់គ្លេសរូបនេះបានបន្តថា៖ " ខ្ញុំកំពុងតែខិតខំធ្វើការ ហើយអារម្មណ៍របស់ខ្ញុំនៅគិតពីរឿងប្រកួតប៉ះនឹងក្លឹប Ipswich Town នៅទឹកដីគេ ក្នុងថ្ងៃពុធនេះ ហើយធ្វើដំណើរទៅ Brighton ដើម្បីប្រកួត FA Cup នៅចុងសប្ដាហ៍នេះ " ។
អតីតខ្សែបម្រើក្រុមជម្រើសជាតិអង់គ្លេសលោក Frank Lampard ត្រូវបានតែងតាំងជាអ្នកចាត់ការក្លឹបលីគលំដាប់ទី ២ Derby County តាំងពីចុងខែឧសភា ឆ្នាំ២០១៨ កន្លងទៅ៕