សាប៊ូកក់សក់ល្បីនៅកូរ៉េ ឥឡូវមកដល់កម្ពុជាថែមទាំងដាក់គោលដៅរួមចំណែកជួយសង្គមទៀតផង

2019-02-13 11:24:08
ចំនួនមតិ 0 | ចំនួនចែករំលែក 0

ចន្លោះមិនឃើញ

សាប៊ូកក់សក់ដ៏ល្បីរបស់ប្រទេសកូរ៉េ "សាប៊ូកក់សក់ម៉ាកTS – TS Shampoo" ជាម៉ាកសញ្ញាសាប៊ូថ្មីដែលទើបបានចូលមកទីផ្សារប្រទេសកម្ពុជាហើយ ដោយបានបើកសន្និសីទកាសែតប្រកាសជាផ្លូវការកាលពីថ្ងៃ ១១ កុម្ភៈ។

លោក Jang Ki-young ប្រធានក្រុមហ៊ុន TS Trillion ដែលជាក្រុមហ៊ុនផលិតសាប៊ូកក់សក់កូរ៉េរបស់ប្រទេសប្រទេសកូរ៉េបានប្រកាសថា៖ "សាប៊ូកក់សក់ម៉ាក TS" គឺជាសាប៊ូកក់សក់ដែលមានតម្លៃថ្លៃជាងសាប៊ូធម្មតា ប៉ុន្តែដោយលោកមើលឃើញថាសេដ្ឋកិច្ចរបស់ប្រទេសកម្ពុជាមានការរីកចម្រើន ធ្វើឱ្យអ្នកមានលទ្ធភាពចំណាយខ្ពស់មានច្រើន ដែលលោករំពឹងថានឹងមានអ្នកត្រូវការផលិតផលនេះច្រើន ពិសេសសម្រាប់អ្នកដែលយកចិត្តទុកដាក់ថែរក្សាសក់"។

លោក Jang Ki-Young ប្រធានក្រុមហ៊ុន TS Trillion គឺជាមនុស្សម្នាក់ដែលមានទំនាក់ទំនងជាមួយនិងប្រទេសកម្ពុជា។ កាលពីខែតុលាឆ្នាំមុនកម្មករិនីខ្មែរម្នាក់ដែលបានរងរបួសនៅពេលធ្វើការនៅរោងចក្រភីហ្សាមួយរបស់ប្រទេសកូរ៉េត្រូវបានលោកជួយសម្រាលបន្ទុកព្យាបាលនៅពេលគាត់ដឹងថានាងមានបញ្ហាដោយមិនមានលទ្ធភាពបង់ប្រាក់រាប់ពាន់ដុល្លារទៅមន្ទីរពេទ្យដើម្បីព្យាបាលរបួស។

លោកបានជួយបង់ប្រាក់រាប់ពាន់ដុល្លារឱ្យនាងសូម្បីតែលោកមិនស្គាល់នាងក៏ដោយដោយ នេះក៏ដោយសារទង្វើមនុស្សធម៌ក្នុងនាមភាពជាមនុស្សជាតិដូចគ្នា។ ក្រុមហ៊ុន Ye Sung ដែលជាអ្នកចែកចាយសាប៊ូកក់សក់ TS នៅប្រទេសកម្ពុជាគឺជាក្រុមហ៊ុនមួយដែលចែកចាយនូវផលិតផលជាច្រើនប្រភេទដល់ប្រទេសកម្ពុជារួមមានយីហោគ្រឿងសម្អាងដ៏ទាក់ទាញម៉ាក CharmZone។ ក្រុមហ៊ុន Ye Sung បានរួមចំណែកមួយផ្នែកនៃប្រាក់ចំណេញរបស់ខ្លួនដល់ប្រទេសកម្ពុជា តាំងតែពីឆ្នាំមុន។

ខាងក្រោមនេះគឺជាអត្ថបទដែលបានផ្សាយលើកាសែតកូរ៉េ (មករា ២០១៩)៖

កម្មការិនីម្នាក់ដែលបានរងរបួសយ៉ាងធ្ងន់ធ្ងរដោយម៉ាស៊ីនផលិតភីស្សាបានធូរស្រាលពីការព្រួយបារម្ភលើការចំណាយថ្លៃព្យាបាលនៅមន្ទីរពេទ្យដោយមានជំនួយពីក្រុមហ៊ុនសាប៊ូ TS ។

អ្នកនាង ស៊ុយ ដាវី អាយុ ២៤ ឆ្នាំដែលបានមកធ្វើការនៅប្រទេសកូរ៉េក្នុងឆ្នាំ ២០១៧ បានចូលបម្រើការងារនៅក្នុងក្រុមហ៊ុននំប៉័ងភីហ្សាហើយបានរងរបួសធ្ងន់មួយកាលពីខែតុលានៅពេលដែលដៃរបស់នាងត្រូវបានកៀបដោយម៉ាស៊ីនភីហ្សា។ នាងបានធ្វើការវះកាត់នៅឯមន្ទីរពេទ្យសាកលវិទ្យាល័យ Ajou ប៉ុន្តែមុខរបួសមិនបានប្រសើរឡើងឡើយ។

មិត្តភក្តិរបស់នាងបានឃើញស្នាមរបួសរបស់នាង និងបានបង្ហោះរូបនាងនៅលើហ្វេសប៊ុក។ បច្ចុប្បន្ន អ្នកនាង ដាវីកំពុងសម្រាកព្យាបាលនៅមន្ទីរពេទ្យ Anshan Duson ដើម្បីធ្វើការវះកាត់លើកទីពីរ។

ទោះជាយ៉ាងណាក៏ដោយទោះបីជាការវះកាត់ត្រូវបានគេចាត់ទុកថាជាឧប្បត្តិហេតុការងារក្នុងឧស្សាហកម្មក៏ដោយ ក៏តម្លៃនៃការចំណាយដែលមិនមែនជាផ្នែកពាក់ព័ន្ធប្រាក់ខែ នាងត្រូវបង់បានកើតឡើង និងមានចំនួនច្រើន។ ការចំណាយមានការកើនឡើង លើការព្យាបាលនៅមន្ទីរពេទ្យដែលបានឈានដល់រាប់ពាន់ដុល្លារ។

នៅពេលដែលព័ត៌មានគួរឱ្យសោកស្តាយបែបនេះបានចេញផ្សាយមកមជ្ឈមណ្ឌលគាំទ្រជនរងគ្រោះនៃទីក្រុង Ansan បានស្នើសុំជំនួយពីលោក Jang Ki-Young នាយកប្រតិបត្តិនៃក្រុមហ៊ុន TS Trilion ដែលជាក្រុមហ៊ុនដ៏ល្បីល្បាញមួយ ដែលរួមមានម៉ាក "TS Shampoo" និងលោក Jang បានសម្រេចចិត្តយ៉ាងងាយស្រួលក្នុងការជួយនាង។

ឯកអគ្គរាជទូតព្រះរាជាណាចក្រកម្ពុជាប្រចាំប្រទេសប្រទេសកូរ៉េបានមកធ្វើទស្សនកិច្ចនៅមន្ទីរពេទ្យ Ansan Duzon ជាមួយលោក Jang Ki-Young ដើម្បីផ្តល់មូលនិធិព្យាបាលដល់នាង។ លោក Jang Ki-Young បាននិយាយថា "ខ្ញុំនឹងប្រឹងប្រែងអស់ពីលទ្ធភាពដើម្បីជួយដល់ការជាសះស្បើយឡើងវិញរបស់អ្នកនាង ស៊ូ ដាវី"។

ឯកអគ្គរាជទូតព្រះរាជាណាចក្រកម្ពុជាប្រចាំប្រទេសប្រទេសកូរ៉េ ឯកឧត្តម ឡុង ឌីម៉ង់ បានមានប្រសាសន៍ថា៖ "តាមរយៈករណីនេះខ្ញុំសង្ឃឹមថាប្រទេសកូរ៉េនិងកម្ពុជានឹងមានភាពរីកចម្រើនប្រកបដោយមិត្តភាពនិងកិច្ចសហប្រតិបត្តិការកាន់តែរឹងមាំ"៕

អត្ថបទ៖ ថា ម៉ាលីដា

ពាក្យទាក់ទង