បឹងកេតនាំយកកីឡាករប្រេស៊ីល និងអេស្ប៉ាញត្រៀមរដូវកាលថ្មី

2019-02-16 01:27:22
ចំនួនមតិ 0 | ចំនួនចែករំលែក 0

ចន្លោះមិនឃើញ

បឹងកេតបានបង្ហាញមុខសមាជិកបរទេសថ្មីក្នុងពិធីជប់លៀងបើករដូវកាល២០១៩នៃលីគបាល់ទាត់កំពូលកម្ពុជាដែលនឹងចាប់ផ្តើមនាខែមីនាខាងមុខនេះ។

កីឡាករបរទេសទាំង៥នាក់ដែលលេងនៅបឹងកេតរដូវកាលនេះគឺ២នាក់សមាជិកថ្មី និង៣នាក់ជាសមាជិកចាស់។ សមាជិកបរទេសថ្មីគឺកីឡាករប្រេស៊ីល Purcino Luiz Eduardo និងកីឡាករអេស្ប៉ាញ Carrascosa Munoz Angel ដែលជំនួសកីឡាករប្រេស៊ីល Maycon ផ្លាស់ទៅក្លឹប Shan United របស់ប្រទេសមីយ៉ាន់ម៉ា និងកីឡាករនីហ្សេរីយ៉ា Esoh Paul Omogba ដែលចេញទៅណាហ្គាវើល។

កីឡាករប្រេស៊ីល Purcino Luiz Eduardo

គិតចាប់តាំងពីឆ្នាំ២០០៦មករហូតដល់២០១៧ កីឡាករ Purcino Luiz Eduardo ធ្លាប់លេងឲ្យក្លឹបជាច្រើនដូចជាក្លឹប A.A Caldense របស់ប្រេស៊ីល ក្លឹបថៃ Buriram PEA, Sriracha, Osatospa Saraburi, Phuket, Police United, Phan Thong, ពីឆ្នាំ២០១០ដល់២០១៦ និងឆ្នាំ២០១៧លេងនៅ Petaling Jaya ប្រទេសម៉ាឡេស៊ី។ ដោយឡែកកីឡាករអេស្ប៉ាញនៅមិនទាន់ដឹងច្បាស់ពីប្រវត្តិឡើយ។

កីឡាករអេស្ប៉ាញ Carrascosa Munoz Angel

ចំពោះបរទេស៣នាក់ផ្សេងទៀតគឺ កីឡាករជប៉ុន Mizuno Hikara កីឡាករនីហ្សេរីយ៉ា Gbenga Samuel និងកីឡាករនីហ្សេរីយ៉ា Julius Oiboh នៅបន្តជាមួយបឹងកេតដដែលសម្រាប់រដូវកាលថ្មីខាងមុខនេះ។