ស្រីពៅ ទម្លាយល្បិចមួយដែលគ្រូរបស់ខ្លួនប្រាប់រហូតយកឈ្នះ Rika ដោយពិន្ទុដាច់
- 2019-02-16 15:37:33
- ចំនួនមតិ 0 | ចំនួនចែករំលែក 0
ស្រីពៅ ទម្លាយល្បិចមួយដែលគ្រូរបស់ខ្លួនប្រាប់រហូតយកឈ្នះ Rika ដោយពិន្ទុដាច់
ចន្លោះមិនឃើញ
ជើងខ្លាំងរបស់កម្ពុជា នៅ ស្រីពៅ បានយកឈ្នះទៅលើអ្នកប្រដាល់ខ្លាំងរបស់ថៃ Rika Ishige ដោយពិន្ទុដាច់តែម្ដង សម្រាប់ការបង្ហាញខ្លួនលើកទី១ នៅសង្វៀន ONE Championship នៅលើទឹកដីថៃមុននេះ។
ក្រោយពេលយកឈ្នះម្ចាស់មេដាយមាសជើងឯកថ្នាក់ជាតិប្រដាល់សកលឆ្នាំ២០១៨ រូបនេះបាននិយាយថា «ដំបូងខ្ញុំមានការបារម្ភខ្លះដែរបង គឺខ្លាចគេចូលចាប់ឃ្លេរ។ ប៉ុន្តែលោកគ្រូ ហ៊ុន ច័ន្ទរាជ្យ បានប្រាប់ខ្ញុំថា កុំបារម្ភច្រើនពេក ព្រោះសង្វៀនហ្នឹង មិនមែនសង្វៀនក្នុងទ្រុងទេ។ ដូច្នេះយើងគិតថា យើងប្រកួតដូចការប្រកួតសេរីទៅ»។
ស្រីពៅ បន្ថែមថា ខ្លួនមិនរំពឹងអាចធ្វើបានល្អដូចពេលនេះឡើយ ប៉ុន្តែបន្ទាប់ពីស្ដាប់ការណែនាំរបស់គ្រូបង្វឹកទើបខ្លួនអាចធ្វើបានល្អ នឹងយកឈ្នះដៃគូខ្លាំងដាច់ពិន្ទុដូច្នេះ។ មែនទែនទៅ ស្រីពៅ បានបញ្ជាក់ថា ដៃគូខ្លាំង Rika នេះមិនបានផ្ដល់ជាស្នាមរបួសអ្វីធ្ងន់ធ្ងរទាល់តែសោះ ពោលគឺស្ទើរមិនជឿថាវាអាចកើតឡើង។
សូមបញ្ជាក់ថា នៅ ស្រីពៅ និង ឡៅ ចិត្រា បានចូលរួមប្រកួតក្នុងកម្មវិធី ONE ជាលើកទី១ ដូចគ្នា ដែលប្រកួតតំណាងឲ្យក្លឹប Cambodian Top Team ជាលទ្ធផលសម្រាប់ ចិត្រា គឺចាញ់ Superlek ត្រឹមពិន្ទុប៉ុណ្ណោះ៕