ចិត្រា ថា បើ ONE រៀបឲ្យប៉ះ Superlek ម្ដងទៀត សន្យាធ្វើឲ្យល្អជាងនេះ

2019-02-18 03:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ឡៅ ចិត្រា បានប្រកួតចាញ់អ្នកប្រដាល់កម្រិតខ្ពស់របស់ថៃ Superlek ដោយពិន្ទុក្នុងការប្រកួតកាលពីថ្ងៃទី១៦ ខែកុម្ភៈ ឆ្នាំ២០១៩ នៅទឹកដីថៃ ក្នុងព្រឹត្តិការណ៍ ONE Championship ។

ឡៅ ចិត្រា

ក្នុងការប្រកួតដែល ចិត្រា ចាញ់ Superlek នោះត្រូវបានគេដឹងថា ចិត្រា ស្ទើរតែមិនបានតបតទៅកាន់ដៃគូ ដោយសារអ្នកប្រដាល់ថៃទាត់ជាប់ៗគ្នាមកកាន់ខ្លួន។ ប្អូនប្រុសបង្កើត ឡៅ ចន្ទ្រា រូបនេះ យល់ឃើញថា ខ្លួនយឺតជាងដៃគូ។ មួយទៀតគឺរូបគេផ្ទាល់មិនចេះថយ ដើម្បីរង់ចាំត្រង់វ៉ៃឡើយ ពោលគឺ ចិត្រា ជាកីឡាករដើរចូលវាយ តែដល់ពេលប៉ះដៃគូទាត់កាត់លឿនៗដូច្នេះទើបគេមិនអាចចូលវ៉ៃបាន។

អ្នកប្រដាល់មកពីខេត្តកំពង់ស្ពឺ បានតាំងចិត្តចង់ចូលសម្រុកប្ដូរដៃគូតាំងពីទឹកទី២ម្ល៉េះ ប៉ុន្តែចូលមិនចុះ។ យ៉ាងណាចិត្រាបានសន្យាថា បើមានឱកាសប៉ះ Superlek លើកក្រោយ នឹងព្យាយាមធ្វើឲ្យល្អជាងនេះ ពិសេសមិនឲ្យការប្រកួតមើលទៅចាញ់ដៃគូដាច់បែបនេះឡើយ។

សូមបញ្ជាក់ថា ឡៅ ចិត្រា និង នៅ ស្រី ពៅ ទៅចូលរួមប្រកួត ONE តំណាងឲ្យក្លឹប Cambodian Top Team របស់លោក ហ៊ុន ច័ន្ទរាជ្យ ជាលទ្ធផល នៅ ស្រីពៅ ឈ្នះពិន្ទុជើងខ្លាំងកីឡាការិនី Rika ស្របពេល ចិត្រា ចាញ់ពិន្ទុ Superlek ៕

ចង់ដឹងចិត្រា និយាយអ្វីខ្លះសូមមើលវីដេអូខាងក្រោម៖