ក្រសួងប្រាប់ពីវិធីសង្គ្រោះបឋម ព្រោះកម្ពុជានឹងកើនកំដៅខ្លាំងអាចគ្រោះថ្នាក់ដល់ជីវិត

2019-02-18 03:42:12
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមសេចក្ដីជូនព័ត៌មានរបស់ក្រសួងសុខាភិបាល នៃព្រះរាជាណាចក្រកម្ពុជា បានឲ្យដឹងថាអាកាសធាតុនៅកម្ពុជា នឹងមានការកើនកម្ដៅខ្លាំង ដែលអាចប៉ះពាល់ដល់សុខភាព និងប៉ះពាល់ដល់អាយុជីវិត ដោយសារបញ្ហាជំងឺបេះដូង និងសួត និងអាចមានជំងឺឆ្លងផ្សេងៗដូចជា ជំងឺរាគ និងជំងឺកង្វះចំណីអាហារផងដែរ ដោយសារភាពរាំងស្ងួតមិនអាចដាំដុះបាន ហើយក៏អាចមានបញ្ហាសុខភាពផ្លូវចិត្ត ពិសេសជំងឺតានតឹងក្នុងអារម្មណ៍ (ស្ត្រេស) តប់ប្រមល់ដែលបង្កឡើងដោយអាកាសធាតុក្ដៅខ្លាំងពេក និងមានរលាកស្បែកឡើងក្រហម។ល។

ដើម្បីកាត់បន្ថយនៃផលប៉ះពាល់ទាំងនេះ ក្រសួងសុខាភិបាលបានប្រាប់ពីវិធីសង្គ្រោះបឋមដូចខាងក្រោម៖

ស្លៀកសំលៀកបំពាក់ស្ដើងៗ ឬមានពណ៌ស្រាល ស្លៀកពាក់រលុងៗ និងលាបឡេការពារកម្ដៅថ្ងៃ។ បើអាចធ្វើទៅបានពេលចេញទៅក្រៅចូរការពារខ្លួនពីពន្លឺព្រះអាទិត្យដោយការពាក់មួកបាំងជិត និងពាក់វ៉ែនតាការពារ។ ចំណែកទារក និងកុមារវិញត្រូវស្លៀកពាក់ស្ដើងៗ ពណ៌ស្រាល រលុង គ្របក្បាល និងបាំងថ្ងៃដោយមួក ឬឆត្រ។ ហាមទុកទារក ឬកុមារចោលក្នុងរថយន្តដែលចត។
សូមរក្សាទឹកទុកប្រើប្រាស់ប្រចាំថ្ងៃដោយគ្របឲ្យជិត បង្ការកុំឲ្យមូសខ្លាពងដាក់ដែលអាចបង្កជំងឺគ្រុនឈាម៕

ដើម្បីលម្អិតសូមមើលនៅក្នុងសេចក្ដីជូនព័ត៌មានខាងក្រោមនេះ៖