រោគ​សញ្ញា​រមួល​ក្រពើ​ ជា​សញ្ញា​បឋម​បង្ហាញ​ថា​អ្នក​មាន​ជំងឺ​ទាក់ទង​នឹង​អាកាស​ធាតុ​ក្ដៅ​ខ្លាំង ដែល​អ្នក​អាច​វិវត្ត​ទៅ​ជា​ជំងឺ​អស់​កម្លាំង​ល្ហិតល្ហៃ​ដោយ​កម្ដៅ​ខ្លាំង ឬ​ដួល​សន្លប់​ដោយ​សារ​កម្ដៅ​ខ្លាំង។ នេះ​បើ​តាម​ការ​ចែក​រំលែក​ពី​ក្រសួង​អប់រំ​យុវជន និង​កីឡា នៃ​ព្រះរាជាណាចក្រ​។ ខាង​ក្រោម​នេះ​ជា​រោគ​សញ្ញា​ និង​វិធី​ការពារ៖

រោគ​សញ្ញា​ជំងឺ​ល្ហិតល្ហៃ​ដោយ​កម្ដៅ​ខ្លាំង

• បែក​ញើស​ខ្លាំង

• ខ្សោយ​កម្លាំង

• ខ្លួន​ត្រជាក់ ស្លេក ស្បែក​ស្អិត

• ជីពចរ​ដើរ​ញាប់

• ចង្អោរ ឬ​ក្អួត

• ដួល

វិធីសង្គ្រោះ​

• ប្ដូរ​ទៅ​កន្លែង​ត្រជាក់

• ដាក់​ខ្លួន​ដេក និង​ដោះ​សំលៀក​បំពាក់

• ជូត​កន្សែង​ត្រជាក់​លើ​ជុំវិញ​ខ្លួន​ប្រាណ

• ក្រេប​ទឹក​សន្សឹម​ៗ

• បើ​មាន​ក្អួត និង​បន្ត​រហូត​សូម​បញ្ជូន​ទៅ​មន្ទីរពេទ្យ​ជា​បន្ទាន់

ជំងឺ​ដួល​សន្លប់​ដោយ​កម្ដៅ​ខ្លាំង

• សីតុណ្ហភាព​លើ​ខ្លួន​លើស​ពី​៣៩.៥ អង្សា​សេ

• ស្បែក​ក្ដៅ​ក្រហម ឬ​ស្ងួត

• ជីពចរ​ដើរ​ញាប់ ឬ​វាយ​កម្លាំង​ខ្លាំង

• អាច​បាត់បង់​ស្មារតី

វិធី​សង្គ្រោះ

• ប្ដូរ​អ្នក​ជំងឺ​ទៅ​កន្លែង​ត្រជាក់

• បញ្ចុះ​កម្ដៅ​ខ្លួន​ជាមួយ​កន្សែង​ត្រជាក់ ឬ​ងូត​ទឹក

• មិន​ត្រូវ​ផ្ដល់​ទឹក

• បញ្ជូន​ទៅ​មន្ទីរពេទ្យ​ជាបន្ទាន់

បើមានករណីនេះកើតឡើងក៏អាចទំនាក់ទំនងជាបន្ទាន់ទៅកាន់លេខ៖ ១១៥

អត្ថបទ៖ វឌ្ឍនៈ