យុវជនខ្មែរមួយក្រុមបង្កើតព្រឹត្តិការណ៍ TEDx លំដាប់ពិភពលោកដំបូងនៅកម្ពុជា

2019-02-18 10:02:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមយុវជនខ្មែរមួយក្រុមបង្កើតកម្មវិធីមួយដែលមានឈ្មោះថា TEDxKramuonSarSt ដែលនឹងប្រព្រឹត្តិទៅនៅមហោស្រព Black Box នៃសាលាអន្ដរជាតិ ISPP ចាប់ពីម៉ោង ១រសៀលដល់ម៉ោង ៥ល្ងាច ថ្ងៃទី ២៤ ខែកុម្ភៈ ឆ្នាំ ២០១៩។

យោងតាមសេចក្ដីប្រកាសព័ត៌មានរបស់ក្រុមយុវជន បានឲ្យដឹងថា កម្មវិធីនេះគឺមានគោលបំណងផ្សព្វផ្សាយគំនិតច្នៃប្រឌិត និងការផ្ដួចផ្ដើមថ្មីៗ ដែលមានតម្លៃគួរចែករំលែក ហើយវាក៏ជាវេទិកាមួយសម្រាប់សម្លេងឆ្នើមរបស់យុវជនកម្ពុជាឲ្យបានលឺនៅលើឆាកអន្ដរជាតិ នៃសហគមន៍ TED។

កម្មវិធីខាងលើនេះ ក៏ផ្ដោតទៅលើ "ខ្លឹមសារនៃការពិត" ដែលនឹងបង្កើតបទពិសោធន៍ថ្មីសម្រាប់អ្នកស្ដាប់ដោយការណែនាំទស្សនៈខុសៗគ្នាលើបញ្ហាទូទៅ។

សេចក្ដីប្រកាសក៏បានបញ្ជាក់ថា កម្មវិធីនេះមានវាគ្មិនចំនួន៨នាក់ចូលរួម ដើម្បីចែករំលែកការយល់ដឹងរបស់ពួកគេលើប្រធានបទនីមួយៗ ដែលមានចាប់ពីបច្ចេកវិទ្យារហូតដល់សិល្បៈ និងគំនិត។

វាគ្មិនទាំង៨រូប

ដើម្បីក្លាយជាអ្នកចូលរួមនៃកម្មវិធី TEDxKramuonSarSt កម្មវិធីលើកទឹកចិត្តដល់អ្នកទាំងអស់គ្នាឲ្យចូលរួមក្នុងការប្រកួត និងហ្គេមផ្សេងៗ ដែលត្រូវបានរៀបចំឡើងដោយកិច្ចសហការរវាងកម្មវិធី និងដៃគូ គឺ Chip Mong Commercial Bank។ ការប្រកួតនេះក៏នឹងណែនាំអំពីប្រធានបទដែលមានលក្ខណៈពិសេសប្លែកៗ គ្នាទៅតាមវាគ្មិនទាំង៨រូប ក្នុងគោលបំណងចង់ឲ្យអ្នកអាចយល់ដឹងបានកាន់តែស៊ីជម្រៅទៅលើប្រធានបទ នីមួយៗ ដែលនឹងត្រូវលើកយកមកបង្ហាញនៅថ្ងៃកម្មវិធីផ្ទាល់តែម្ដង។

តាមរយៈកម្មវិធីខាងលើនេះ អ្នកចូលរួមប្រកួតមិនត្រឹមតែបង្ហាញអំពីចំណាប់អារម្មណ៍ និងការគាំទ្រយ៉ាងពិតប្រាកដចំពោះ TEDx ប៉ុណ្ណោះទេ គឺអាចមានឱកាសឈ្នះសំបុត្រសម្រាប់កម្មវិធី រួមទាំងការដូរអនុស្សាវរីយ៍ ជាច្រើនទៀតពី TEDxKramuonSarSt។