អារ៉ាប៊ីសាអ៊ូឌីតឆ្លើយតបនឹងព័ត៌មានទាក់ទងនឹងការទិញក្លឹប Man Utd

2019-02-18 12:18:26
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីៗនេះ រដ្ឋមន្ត្រីក្រសួងព័ត៌មានរបស់អារ៉ាប៊ីសាអ៊ូឌីតលោកTurki al-Shabanah បានបង្ហោះសារមួយលើបណ្ដាញសង្គម Twitter ដោយច្រានចោលនូវពាក្យចចាមអារ៉ាមដែលថា ព្រះអង្គម្ចាស់ Mohammed bin Salman រជ្ជទាយាទនៃប្រទេសអារ៉ាបមួយនេះ មានបំណងចង់ទិញក្លឹបអង់គ្លេស Manchester United។

ក្នុងសារនោះមានខ្លឹមសារថា៖ " គ្រប់របាយការណ៍ទាំងអស់ដែលអះអាងថា ព្រះអង្គម្ចាស់រជ្ជទាយាទ Mohammed bin Salman មានបំណងចង់ទិញក្លឹប Manchester United សុទ្ធតែមិនពិតទាំងស្រុង។ ក្លឹប Manchester United បានជួបពិភាក្សាជាមួយស្ថាប័នវិនិយោគសាធារណៈអារ៉ាប៊ីសាអ៊ូឌីត តែមិនកិច្ចព្រមព្រៀងលេចឡើងជាដុំកំភួនឡើយ " ។

ព្រះអង្គម្ចាស់ Mohammed bin Salman

បើក្រឡេកមកមើលប្រទេសជិតខាងអារ៉ាប៊ីសាអ៊ូឌីត គេសង្កេតឃើញប្រទេសអ្នកមានៗទាំងនោះមានជាប់ពាក់ព័ន្ធជាមួយក្លឹបបាល់ទាត់កំពូលៗយ៉ាងសកម្ម ដោយខ្សែរាជវង្សអារ៉ាបរួមកំពុងកាន់កាប់ក្លឹប Manchester City ចំណែកឯស្ថាប័នវិនិយោគកីឡារបស់កាតាវិញកាន់កាប់ក្លឹប Paris Saint-Germain។

កាលពីឆ្នាំ២០០៥កន្លងទៅ គ្រួសារជ្វីសត្រកូល Glazer បានទិញក្លឹប Manchester United ក្នុងតម្លៃជាង ១ប៊ីលានដុល្លារ៕

ប្រភព៖ Sky Sports ប្រែសម្រួល៖ ហ៊ីម រស្មី