គ្រូ U22 ម៉ាឡេស៊ីទទួលស្គាល់គ្រាប់បាល់១គ្រាប់របស់ សេត រ៉ូស៊ីប យប់មិញពិតជាស្អាត
- 2019-02-19 01:32:37
- ចំនួនមតិ 0 | ចំនួនចែករំលែក 0
គ្រូ U22 ម៉ាឡេស៊ីទទួលស្គាល់គ្រាប់បាល់១គ្រាប់របស់ សេត រ៉ូស៊ីប យប់មិញពិតជាស្អាត
ចន្លោះមិនឃើញ
លោក Ong Kim Swee គ្រូបង្វឹកក្រុមជម្រើសជាតិម៉ាឡេស៊ីអាយុក្រោម២២ឆ្នាំបានសរសើរដល់គ្រាប់បាល់មួយគ្រាប់របស់ សេត រ៉ូស៊ីប កាលពីយប់មិញ ដែលបានទាត់ចូលក្រុមរបស់ខ្លួន ដើម្បីជួយយុវជនក្រោមអាយុ ២២កម្ពុជាយកឈ្នះ១-០ ក្នុងការប្រកួតសន្សំពិន្ទុដំបូងក្នុងពូល B នៃព្រឹត្តិការណ៍ 2019 AFF U22 Championship ដែលកម្ពុជាធ្វើជាម្ចាស់ផ្ទះ។
លោក Ong Kim Swee
គ្រូបង្វឹករូបនេះបានឲ្យដឹងថា លោកពិតជាមិនសប្បាយចិត្តជាមួយការកាត់ក្ដីរបស់អាជ្ញាកណ្ដាលយប់មិញនូវចំណុចមួយចំនួន។ ប៉ុន្តែលោកក៏ចូលរួមអបអរដល់កម្ពុជា ដែលទទួលបាន ៣ ពិន្ទុក្នុងការប្រកួតបើកឆាក។
យ៉ាងណាមិញលោកក៏ទទួលស្គាល់ថា គ្រាប់បាល់របស់ សេត រ៉ូស៊ីប ពិតជាស្អាត ដែលធ្វើឲ្យអ្នកចាំទីពិបាកចាប់។ យ៉ាងណាប្រសិនបើកីឡាករ១១នាក់ដូចគ្នាលោកគិតថា ក្រុមរបស់លោកនឹងអាចលេងបានល្អជាងនេះ ដើម្បីបង្កើតឱកាសវាយសម្រុកមកលើកម្ពុជាវិញនៅពេលដែលកម្ពុជាកំពុងនាំ មុខនោះ។
ក្រុមយុវជនក្រោមអាយុ២២ឆ្នាំកម្ពុជាយកបាន៣ពិន្ទុហើយក្នុងពូល B នៃព្រឹត្តិការណ៍ខាងលើ ដូច្នេះគឺកំពុងកាន់កាប់កំពូលតារាងបណ្ដោះអាសន្ន ស្របពេលមីយ៉ាន់ម៉ា និងឥណ្ឌូណេស៊ីមានម្នាក់១ពិន្ទុបន្ទាប់ពីស្មើគ្នា១-១ ៕