Mourinho បង្ហាញចំណាប់អារម្មណ៍ចំពោះការដឹកនាំរបស់ Wenger

2019-02-19 11:12:24
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតអ្នកចាត់ការក្លឹប Manchester United លោក Jose Mourinho បាននិយាយកាលពីពេលថ្មីៗនេះថា អតីតអ្នកចាត់ការក្លឹប Arsenal លោក Arsene Wenger ស្ថិតក្នុងចំណោមអ្នកចាត់ការល្អបំផុតក្នុងប្រវត្តិសាស្ត្របាល់ទាត់។

លោកបានលើកឡើងក្នុងសារជាវីដេអូទៅ Wengerថា៖ " មានរឿងរ៉ាវជាច្រើនណាស់កើតឡើងក្នុងអាជីព ហើយខ្ញុំអាចនិយាយបានថា ខ្ញុំពិតជារីករាយណាស់នឹងការប្រកួតប្រជែងមួយនេះ (សំដៅលើការប្រកួតប្រជែងរវាង Mourinho និង Wenger ) តែការគោរពតែងតែមានជានិច្ច " ។

លោកបានបន្តថា៖ " លោក Wenger បានកសាងប្រវត្តិសាស្ត្រច្រើនណាស់នៅ Arsenal ហើយមានរហស្សនាមថា Invincibles (សំដៅលើការដឹកនាំ Arsenal មិនចាញ់មួយប្រកួតនៅរដូវកាល ២០០៣/០៤) ជាអ្នកចាត់ការអស្ចារ្យមួយរូប ហើយជាអ្នកដឹកនាំក្រុមប្រកបដោយទស្សនវិជ្ជា ក្នុងក្រុមមួយដែលស្ទើរតែល្អឥតខ្ចោះ " ។

បុរសជនជាតិព័រទុយហ្គាល់រូបនេះបានបន្ថែមថា៖ " គាត់ស្ថិតក្នុងចំណោមអ្នកចាត់ការដែលល្អបំផុតក្នុងប្រវត្តិសាស្ត្របាល់ទាត់ " ។

សូមបញ្ជាក់ផងដែរថា អ្នកចាត់ការទាំងពីររូបនេះធ្លាប់មានការប៉ះទង្គិចគ្នាយ៉ាងខ្លាំងកំឡុងពេលដែលពួកគេនៅដឹកនាំក្លឹបនៅអង់គ្លេស ហើយលោក Jose Mourinho ថែមទាំងធ្លាប់ហៅបុរសជនជាតិបារាំង Arsene Wenger ថាជា ' អ្នកជំនាញខាងបរាជ័យ ' ទៀតផង៕

ប្រភព៖ Sky Sports ប្រែសម្រួល៖ ហ៊ីម រស្មី

ពាក្យទាក់ទង

Sports

អត្ថបទពេញនិយម

ឧកញ៉ា គិត ស៊ូឡា ឡើងជានាយកគ្រប់គ្រងផ្នែកប្រតិបត្តិការ ក្រុមហ៊ុន រ៉ូយ៉ាល់គ្រុប អន្តរជាតិ

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

ត្រៀមកន្លែងថតរូបថ្មី! អាជ្ញាធរខេត្តកំពត ចាប់ផ្តើមសាងសង់ប្រាសាទលោកយាយម៉ៅលើកំពូលភ្នំទ្វារ ឡានម៉ូតូក៏អាចបើកឡើងដល់ដែរ

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ផ្លូវជាតិលេខ៤៨ ស្រែអំបិល-កោះកុង សម្រេចសាងសង់បានពាក់កណ្តាលហើយ និងគ្រោងបញ្ចប់ចាក់កៅស៊ូឆ្នាំក្រោយ

ងាយៗ! ពិនិត្យមើលសំបកកង់៣ចំណុចធំៗនេះដោយខ្លួនឯងបាន ចៀសវាងបែកកង់តាមផ្លូវ

អត្ថបទថ្មី

Neuer បង្កើតកំណត់ត្រាថ្មីក្នុង Champions League

វគ្គ Semi Final របស់ Europa League ឆ្នាំនេះ សុទ្ធតែគីឡូធ្ងន់

ចាប់ផ្តើមដំណើរឆ្ពោះទៅរកភាពភ្លឺថ្លា POND'S Bright Miracle បង្ហាញពីភាពច្នៃប្រឌិតក្នុងការថែរក្សាស្បែក

តើក្រុមបាល់ទាត់ជម្រើសជាតិប្រទេសណាជាប់លេខ១ នៅទ្វីបអាស៊ី?

ត្រៀមខ្លួនហើយឬនៅ សម្រាប់ដំណើរទៅលេងបុណ្យភ្នំ-ឧទ្យានជាតិគិរីរម្យ នាដើមខែឧសភា ឆ្នាំ២០២៤ នេះ?

៣ ចំនុចដែលអ្នកគួរដឹង បើចង់ក្លាយជាម្ចាស់មកុដ MUC 2024